Silva Filiba Madre de Muestra Komunita Judia

Esti SAUL Judeo-Espanyol
17 Mayıs 2017 Çarşamba

La konosemos desde anyos - una damma de lojika profunda, save yevarmos a la antiguidad i komunikar komo si eya bivio antes 12,000 anyos, en las tierras de muestros Padres.

Una grande amiga ke todos apresian, presioza, kerensioza, madre de la Komunita Judia, kolaboratrisa, inovatrisa, su rolo es desde Sara, Rivka, Rahel i Lea, Madres de Yisrael, de kontarmos muestra istoria Judia.

 

Munchas grasias, Kerida Silva Filiba.

Semos gloriozas de tu amistad. Suetamos profitar mas i mas de tu prezensia en muesto grupo.

Tu ija i amiga ke te ama profundamente,

A mi ijo ROBERT

 

Los dias, los mezes pasan,

Los anyos se bolaran,

Mizmo si todo se esparesera,

Muestra dolor nunka se atemara.

 

El sol siempre aklarara,

Las nuves siempre bolaran,

Las estreyas aklararan,

Ma tu mas no seras...

 

Bendicho Kriador,

De una madre oye la dolor,

Resivelo a tu lado,

A mi ijo el regalado.

 

En la altura de los sielos,

En el mundo de los anjelos,

En la luz del paradizo,

Durme en pas ijo mio Kerido...

Silva Filiba