Si anduvyeresh en mis fueros i gudraresh mis enkomendansas i las ayeresh yo dare vuestras luvyas en su tyempo i la tyera dara su produkto i el kanpo dara su fruto i komeresh vuestro pan a la artura i moraresh siguro en vuestra tyera i dare paz en la tyera i durmiresh i no avra ken vos esperte. Por vuestra tyera no pasara espada. Vos muciguare i afirmare mi firmamyento kon vozotros i morare entre vozotros i andare entre vozotros. İ shere vuestro Dyo, i vozotros seresh mi puevlo. Ya, el Kriyador ke vos kiti de la tyera de ayifto, de ser syervos a eyos.

Estas todas bendisyones meldamos en la perasha de Behukotay dizen nuestros savyos el primer verseto de la perasha “Si anduvyeresh en mis fueros” nos da a entender el estudyo de la Tora. El estudyo de la Tora enaltese a la persona i el ombre syempre prospera. El kamino ke toma la persona para alkansar a la Tora, es larga, anço i fin no ay en el. En uno de los midrashim, de la perasha de “Naso” dize: El Kriyador dezea de estar onde se topan cente ke estan estudyando la Tora. El Kriyador mora e los syelos i en la tyara, su onra inche a el mundo entero. El mora syempre entre los custos. Komo vemos en Avraam Avinu i viyajo Avraam, andova I viyajava todos sus viyajes eran, por enkulkar la fey la kreyensa de Dyos, entre la cente.