La kasherut en la Büyükada

La kasherut  en la Büyükada

Es la semana pasada ke eskrivi en el artikolo “Un evenimyento; una dicha /un evenimyento” sovre los pransos kasher organizados en el Klob Anadolu en la Büyükada. I syertos miembros de muestra komunidad me embiyaron mesajes kritikandome. Puedeser ke tyenen razon. Ma kero dizir una otra vez ke no so dakordo de organizar pransos kasher en el restoran del klob. Noche de djugeves estavamos envitados al Klub ande una de muestras amigas estava fiestando sus sesenta anyos. I en un lugar partikular avia un pranso organizado por el prezidente de la komunidad de la Büyükada el sinyor Kurtuluş Morhayim; reelmente fue una organizasyon muy reushida. Reushida porke no fue organizada en el restoran mizmo, i no fue kon la djente endjuntos. Kijeron kodrero “tandır”. Salud i refua ke les se aga. Dingunos no pueden avlar sovre este evenimyento. Si al otro anyo pensan azer pransos kasher en el klub deven de azer organizasyones (3 o 4 vezes en enverano) kon mas de syen personas ma en un lugar diferente komo la semana pasada. I esto no va kreer una diskriminasyon. Es djusto ke el Klub tyene munchos miembros Djudios ma no es un Klub Djudio. De vez en kuando ay syertas personas, mizmo ke son fonksyonaryos de un alto nivel (üst düzey bürokrat) ande sus mujeres keren entrar a la pisina kon “hashema”; i esto esta kreando un problem emportante. Para esto, estos pransos deven de organizarsen en un lugar partikular del Klub.

El sigundo punto sovre esto era el problem del Akasya ke sirve komida kasher. I el sinyor Kurtuluş tuvo la idea de organizar un otro pranso aya amanyana diya de djugeves. Reelmente fue una buena idea. Porke este modo todos van a ser kontentes.

Para eskapar mi artikolo los ke meldan este semanaryo deven de saver mizmo ke no observo la kasherut ize munchos esforsos en muestra komunidad para ke los ke miran la kasherut puedan komer lo bueno i lo mijor. Izimos kon syertos amigos syenes de kilometros para topar un lugar ande puedemos kortar gaynas. Malorozamente ayer me azmbezi ke este enverano tuvimos de muevo problemes kon las gaynas.

No vamos a ver la mijor posibilidad si no topamos un djudio reelmente profesyonel ke va ser patron de un restoran kasher. I este echo lo va azer para ganar paras ma onestamente…

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın