kanada REklam

La Kultura “elemento importante para azer konoser una komunidad”

Desde dos semanas, en mis artikolos ke se estan publikando en el Şalom, ize esforsos para partajar siertas ideas sovre “azer konoser muestra komunidad en aziendo konoser muestra kultura”.

Esta semana kero avlar sovre el “Dia Internasyonal del Ladino/Judeo-Espanyol” ke se va realizar este anyo de muevo en muestra eskola en el Amram Oditoryum, alhad el 10 de Febrero”.

Los evenimyentos van a empesar a las 11.00 -11.30 i la mas grande partida de las aktividades esta vez van a ser kantar i riir. Ma mizmo esto es una parte de muestra kultura. La komida ke vamos a ofreser va ser una komida sefaradi kon prasifuchi, avas kon espinaka, bulemas de berendjena i otras kozas. Vash a ver komo vamos a reushir a azer konoser la kozina sefaradi. No ay kondisyon de ser djudio para partisipar a esta aktividad ma reelmente ay muy poka djente non-djudia ke partisipan a estas aktivitades prinsipalmente porke no konosen la lingua, el Judeo-Espanyol, ke es la lingua de este dia. 

Kon las kantikas ke van a ser kantadas por Cenk Rofe en djudeo-espanyol vamos a topar otras rikezas de muestra kultura. Kreo ke en el mundo ay unas kuantas personas ke djugan piesas de teatro en djudezmo. I kreo ke la mas grande partida biven en muestra sivdad.

Forti  Barokas ke es una de estas estreas, eskrivio una pyesa “Los Machukados”. Es el mansevo Ferit Kohen ke esta metiendo en shena esta piyesa.

Para este diya invitimos a muestro amigo de Fransia, François Azar ke es un mansevo muy talentuozo i kapache i ke aze munchas publikasyones sovre muestra lingua i kultura. Lo mas importante es ke esta publikando una revista i siertos livros para las kreaturas en judeo-espanyol/fransez i en djudeo-espanyol/inglez. I si keresh merkar un livro asemejante para vuestros inyetos tenesh la posibilidad de merkarlo en este dia. Ke no vos pareska ke esto es todo. Süzet Herman, Anna Eskenazi i Şeli Gaon mos estan preparando una parodiya ke esto siguro ke va ser una maraviya i ke mos vamos a pishar de riir.

Vos konti sovre un evenimyento kultural ma para ke sea reushida, keremos vuestra partisipasyon en pagando 60 liras por “komer, bever, kantar i riir”. Ya puedesh telefonar al Şalom para inskrivirvos: 0212 231 9282 en kontaktando la sinyora Tilda.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın