kanada REklam

Vayislah

Yaakov mando mesajeros onde Esav su ermano kon unas palavras muy tyernas, dandole a saver las fuertes fatigas ke tuvo en sus 20 anyos de sirvisyo onde Lavan, i ke agora lo engrasyo el Kriyador i es patron de kualker koza, i le roga ke se olvide todo lo pasado i ke seya su amigo por endelantre, i komo estas palavras ke azen ablandar el korason mas duro.

Los mesajeros izyeron el komando de Yaakov i fueron a punto onde Esav i le disheron las palavras de Yaakov. Esav no kijo ni menos sintir sus palavras. I se ensenyo mas muncho kon su ermano.

Sintyendo Yaakov esto, se apronto para todo. En primero rogo al Dyo ke este en su ayuda sigun se lo prometyo, i ke lo eskape de Esav su ermano i despues divizo todo su fonsado en dos partes i aparejo un prezente grande de ovejas i kuatropeas por darle a su ermano, i lo reglo de buena manera a ke se le inchera el ojo de Esav. I a medya noche, izo pasar todo su fonsado a la otra parte del Rio Yabok i a la manyana kontinuo su kamino.

Serka el medyo diya, ve Yaakov denfrente a Esav kon su kompanya ke vyenen a su enkontro. Alora se apresuro Yaakov i paso delantre todo su fonsado i se omiyo i se enkorvo delantre su ermano kon muncho respekto.

Entonses se troko la idea de Esav i se ablando su korason i koryo al enkontro de Yaakov i lo abraso i lo bezo, i yoraron todos de alegriya i enprezento Yaakov todo akel dono ke aparejo por el i todo su kompanya les dyo. Munchos regalos i plata i oro. En akel mismo diya torno Esav a su kamino a Seir, i Yaakov kontinuo su kamino para la tyerra de Kenaan i arivo a el lugar nombrado Sukot ke es serka del Yârden i fraguo ayi kaza para morar i lugares para su ganado.

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın