“La Seleksion de Borusan Contemporary Art” 1 Marso - 1 Junio, 2014
La koleksion komporta una seleksion de arte kontemporaneo. Reunisa mas de 600 ovras produsidas por artistos lokales i mondiales reputados, ansi ke artistos muevamente formados en sus karieras.
La egzibision es la primera de la seria intitulada: “COMMON GROUND EARTH”.
La tendensia de la koleksion es el “Arte Media”. Komporta: La teknolojia, la luz, el ayre, la agua.
Son las substansas ke konsernan las personas ke biven en el mizmo mundo.
Se enteresa espesialamente en los artistos ke enkorporan los tres elementos i la relasion entre eyos. Se refera al konsepto i la koneksion para dar el focus entre eyos.
BORUSAN CONTEMPORARY mos invita a su maraviyoza ofisina datada 1910, fraguada por Yusuf Ziya Paşa, una de las mas ansianas de Rumelihisarı en el BOSFORO, la perla de Estanbol. Kreo un modelo en transformando su ofisina en muzeo por el week-end. Sus aktividades kulturales i programas son variadas...
Las ovras instaladas en el espasio de PERİLİ KÖŞK (THE HUNTED MANSION) se pueden vijitar solo fin de semana.
Oy, el 8 de Marso, la Fiesta de las Madres, fuimos a vijitarla.
Ay munchas ovras de ver realmente interesantes. Va pueder sitar solo una por mankura de lugar.
Megaplex Triology: Artisto: Marco Brambilla 3-D Video Collages.
Tomar un kafe en el balkon lindo para eskansar ensima la mar de Marmara, es un grande keyf,.ansi ke partajar la luzior...
Un grande rengrasio a Borusan Contemporary.
Vos sueto alegrias por la fiesta de Purim.
RUMELİHİSARİ MAH.BALTALİMANİ HİSAR CAD.NO 5.
www.borusancontemporary.com
