Alüminyum Hurda Geri Dönüşüm

Haye Sara

rivando Avraam a Beer Şeva, i sintyendo la muerte de su mujer Hevron, se va a Hevron por yorarla i endecharla i mirarla su rijo. İ syendo savia Avraam ke en este luguar la meara “Mearat Amahpela” el luguar ande estan enterados Adam Arişon i Hava su mujer, se kijo azer patron de este luguar, i apropyarselo por luguar de enteramyenta para el i su famiya.

Entonses, los patrones de este luguar eran los yos de Het de la familya de Kenaan. Sovre esto se aderesa Avraam onde el kopo de eyos un syerto nombrade Efron por tratar sovre esto.

Efron, seya ke kijo azerle una buendad le dize a Avraam ke se emposese de la meara sin ninguna paga. Avraam refuza de resivir este regalo i la merka la dicha meara kon 400 kintales de plata fina, delantre de todos los personajes de la sivdad.

Despues de esto, entero Avraam a su kerida mujer Sara en esta meara kon grande onor i asistyeron a sus funerayes todos los grandes personajes de akel tyemto.

Pasando 7 diyas de dolyo mando Avraam a su ijo Yitshak ande Şem i Ever porke deprendae. Ley i Sensya i estuvo ai tres anyos. I Avraam se torno a Beer Şeva.

Despues de unos kuantos diyas, muryo Avimeleh Rey de Gerar a la edad de 103 anyos i fue Avraam akompanyado de muncha cente a Gerar por konortar a la famiya i delantre de el enreynaron a su ijo en su luguar i lo nombraron Avimeleh sigun uzo de el pais i torno Avraam a Beer Şeva.

Kuando se izo Avraam de 40 anyos, yamo Avraam a Eliezer su esklavo fidel, i kapo de su kaza i le enkomendo ke fuera a la tyera de azam naarayim ande moran la familya de su padre i ke le tome de ai un mujer para su ijo Yitshak i lo akavido bastante de no tomarle mujer de la familya de los Kenaanim donde el mora entre eyos. Entonses Avraam teniya 140 anyos. Eliezer sin perder tyempo izo sus aparejos i partyo Para Aram Naarayim a la sivdad. Ke morava Nahor ermano de Avraam. El Kriyador le ayudo a Eliezer, estuvo en su favor por amor de Avraam i Yitshak, i arivando a Haran topo sovre la fuente ke aviya en la puerta de la sivdad a la ninya Rivka ija de Betuel i niyeta de Nahor. İndo a koza se dyo a konoser kenera el i ke era su misyon. Kon su kontentes la mandaron kon Eliezer. Yitshak resivyo a Rivka i vyendo su buena matura i sus buenas ovras, la yevo a la tyenda de su madre i la tomo por mujer.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın