Este anyo la liberasyon de la parte de las armadas Sovietikas del Kampo de la muerte de Auschwitz Birkenau fue selebrada no solo al nivel Polonez i djudyo ma kaji al nivel internasyonal.
Parlementaryos de aproksimativamente 30 payizers diferentes asistyeron al 65en aniversaryo de la delivransa de este kampo de eksterminasyon ande muryeron mas de un milyon de djudyos. Fueron de mezmo prezentes numerozas otras personalidades, munchos ministros de
En el mensaje ke el mando, el prezidente Barack Obama demando al mundo de rezistir kontra el antisemitizmo i de render sus memorya a todos los inosentes ke fueron masakrados sin kulpa ni razon.
Nicholas Sarkozi (de su parte) espesifiko ke es un dever para la humanidad de komemorar el rekuerde de las viktimas de la desgrasya nazi afin de asegurar sus rekuerdo i sus dinyidad.
De mezmo, el Papa Benedictus XVI avlo de la krueldad de los krimenes perpetrados por
El ministro Ruso de
Meldi ke segun un sondaje ke vyene de ser echo aktualmente, los polonezos (ke asta agora konsideravan Auschwitz Birkenau komo el simbolo de la eksterminasyon de miles i miles de polonezos) atorgaron por la primera vez de rekonoser ke este sinistre kampo es primordyalmente el simbolo del masakre de mas de un milyon de djudyos.
Unos kuantos anyos antes soplava sovre el mundo komo un ayre de lasitud de komemar anyo despues de anyo la memorya de los ke avian pedrido la vida en estas sirkunstansyas trajikas, arrebashados en los kampos de konsentrasyon al simple estatuto de bestyas.
Mizmo varios de muestros korelijyonaryos manifestaron el espanto de una probavle saturasyon, ma desde un syerto tyempo se syente la nesesidad de mantener un rekuerdo estavle de todo lo ke se paso en esta epoka oskura..
Aktualmente, aunke se ve aktos de profanasyon perpetrados por bandas de fanatikos, una koza parese aver trokado en el esprito de la klasa intelektual i mizmo popular del mundo oksidental, komo el ovligo de nunka olvidar.
Esto es, sin dubyo, el punto al kualo keren ayegar los ombres de refleksyon de muestra epoka ...no deshar nada undirse en la masa informe i oskura de la indiferensya, sin por esto revenir syempre sovre vyejas rankores... saver mirar el futuro kon byenveyansa ma tambyen kon vijilansya... “
Ay en la memorya del ombre toda la rikeza i en mizno tyempo toda la abominasyon del pasado; “saver eskojer” es puede ser su grandor en su kualidad de “ser pensante” i esto puede ser echo unikamente en un esprito de real repentensa de una parte i de toleransya de la otra.
