No pude malorozamente asistir personalmente a este ermozo evento artistiko i es segun lo ke me kontaron ke eskrivo este artikolo en adjuntando mis impresyones individuales sovre esta presyoza realizasyon.
Alhad el 10/1/2010, despues de medyo dia, en la grande Sinagoga Neve Şalom, fue una grande fyesta para los amatores de Muzika sinagogal Oriental i (una vez mas) el arte i la fervor relijyoza se aunaron en un mizmo elancho de espiritualidad verso los syelos.
La emosyon era grande i la asistensya nombroza, kompuesta en mayoria de reprezentantes ofisyeles, de amigos sinseros i de artistos muzikales de muestra sivdad.
Entre eyos, los myembros del departamento de kultura de
Estava de mezmo prezente el Profesor Edwin Seroussi de
Tomaron la palavra:
Karen Gerson Şarhon, direktrisa del “Sentro de Investigasyones sovre la kultura Sefardi Otomana-Turka”, la kuala dyo la definisyon del “kondjunto muzikal Maftirim”.
Silvyo Ovadya prezidente de muestra Komunidad, el kual ekspreso su grande apresyasyon de la realizasyon de un semejante lavoro ke aze konoser la kultura muzikal Sefardi al grande publiko.
Rav Izak Alaluf, ke insistyo sovre la valor de una semblavle ovra i prekonizo de kontinuar a bushkar en el patrimonyo muzikal Sefardi de otras sivdades de muestro payis, kreasyones de una semejante importansa, las kualas realsan el prestijyo muzikal Djudaiko.
El koro de Maftirim debasho la direksyon del Hazan Menahem Eskenazi dyo un konsyerto en azyendo oyir al publiko egzempyos de estos kantes para-liturjikos. Despues del koro de Maftirim, el Koro de Imnos Sinagogales debasho la direksyon de Yako Taragano dyo egzempyos de Zemirot, imnos liturjikos ke se kantan en muestras sinagogas.
Verso la fin de la seremonia, plaketas de grande apresyason fueron distribuidas al nombre de los prinsipales kreadores artistikos de esta ovra.
David Behar absente por kavza de desrepozo.
İzak Maçoro, su Alma repoze en paz, a titolo postumo.
David Sevi, absente de muestra sivdad para asistir al Berit Milla de su inyeto.
Prof. Edwin Seroussi, el kual eskrivyo la introduksyon i fue el konsultante del proyekto.
Prof. Isaac Yeruşalmi, por su presyoza kolavorasyon, malorozamente absente por kavza de kondisyones atmosferikas dezastrozas en los Estados Unidos ande el bive aktualmente.
El profesor de muzika klasika Turka, Ûd” Mahmut Özbay, por aver kontrolado i editado todo modo de eror en las notas.
Niso Alboher, por aver sido el inisyador de este maraviyozo lavoro.
Isak Levi por aver sido el sponsor del proyekto.
Karen Gerson Sarhon por su lavoro inegualavle de koordinasyon i de realizasyon.
Personalmente, yo hui testiga de la importansa de la partisipasyon individual de Karen Sarhon, la vide analizando durante oras i oras las mizmas partisyones muzikales, adresandose a savyos linguistos ebraizantes (komo por egzempyo el Prof. Isaac Yerusalmi) para asegurarse de la absoluta egzaktitud de los tekstos...
Es eya (kon su metikulozidad i su konosensya muzikal) ke rekojo el materyal tan valerozo afin de realizar esta ovra grandioza ke kedara en el futuro komo un testigo de los esforsos kondjuntos de varyos myembros de muestra komunidad.
Alhad despues de medyo dia, hue un dia konsakrado al Arte i tambyen a
