3 Temmuz 2020 Cuma 13:21

Ni el riko kon su rikeza...

Forti BAROKAS Judeo-Espanyol 3067 görüntüleme
8 Nisan 2020 Çarşamba

Avia de ser un buen de naser …

 En una sivdad biviya un ombre muy riko. El posedava kampos i vinyas, de los oros ke tenia el mezmo no saviya el kuento. Tanto ke era riko akel tanto era fuerte i no se adjideava de dingunos. Todos los ke bivian en esta sivdad lavoravan para el. Si alguno le avlava u bien keria dizir lo djusto, sin pensar lo kitava del echo i lo deshava sin komer.

Kada noche dava pransos de komer al entorno i todos los ke viniyan a komer i a bever le davan razon a todo lo ke dizia i lo enaltesiyan sin ser meresido.

Este ombre riko i kruel teniya un moso flako de salud ma djusto i sensero. El solo lo ke le puedia avlar i darle konsejos, mezmo si no lo sintiya i lo arebashava. 

Un dia, uno de sus butikaryos no pudo pagarle en su ora la devda ke tenia, el sin adjidearse le tomo la butika i los bienes de la mano i lo echo a la kaye. Torno a su kaza alegre i kontente, lo yamo al moso para ke le apareje un buen pranso para akea noche. 

El moso ke ya savia el kavzo no pudo rezistir a esta endjustisya i le dicho: “Sinyor, esto ke izo no es djusto, oy esta en sus fuersas ma viene dias ke pagan djustos por pekadores.”

El buen del sinyor se riyo i se burlo de todo lo ke le disho el moso, lo grito i lo menaso

“Tu ke saves! Fuersa es paras! Fuersa es bien! Tu mira tu echo, apronta la meza i otra ves no te meskles en kavzos ke no te kuadran, entendites?"

Paso anyos, el se izo mas riko de lo ke era i adjusto bien al bien. Una noche en estando komiendo i bevyendo viene el moso i le avisa ke el ijo regalado esta muy hazino. El desho a todos en la meza i se fue korriendo al lado de su ijo, lo ve ke esta kemando de kayentura, pasado de si, echado en la kama sin pueder avlar. En gritando dyo orden ke vengan todos los doktores de la sivdad, ma malorozamente dingun doktor no estava entendiendo la hazinura. El kada dia estava yamando doktores diferentes de otras sivdades les estava dando bultos de moneda ma melizina no se estava topando. Todos los ke vinian a komer i a bever ni estavan demandando, ni sonandole la puerta, mas ke el moso sensero rogando al Dyo dia i noche refua para el ijo de su sinyor.

Dias i mezes paso, el mansevo no alevanto kavesa, el padre kansado, sin durmir i sin tener dingunos al lado para eskuvrir. Una noche se alevanto de al lado de la kama del ijo se fue a la ventana avyo las manos a los sielos i empeso a rogar:“Oh mi Dyo! Todo lo ke posedo esto pronto a darlo solo mi ijo ke se aga bueno, mas no kero nada.”Supito le viene una boz de leshos:

NI EL RIKO KON SU RIKEZA NI EL BARAGAN KON SU BARAGANIYA.

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

HUKAT i BALAK

Mozotros Ailesi-İrvin MANDEL

Mozotros Ailesi-İrvin MANDEL

Tünelin Ucu-İzel ROZENTAL

Tünelin Ucu-İzel ROZENTAL