3 Temmuz 2020 Cuma 13:33

Haberes Buenos

Judeo-Espanyol 3124 görüntüleme
8 Nisan 2020 Çarşamba

Kenan Cruz Çilli

 

Komo ya eskrivi en mi artikolo de la semana pasada, ay munchos haberes espantosos en el mundo agora. Si miramos a la situasyon en kada payiz nunka eskapa el sufrimiyento ke esta kavzando este virus. Entonses komo ize tambien en la semana pasada, oy kero kompartir solo haberes buenos de payizes diferentes ke mos ayudaran a sonreyir malgrado toda la tristeza ke estamos viendo en las televizyones kada diya. 

  • En Israel,el prezidente de estado Ruvi Rivlin empeso, por la televizyon i por el internet, a meldar livrikos de istoriyas infantiles por las kreaturas ke no pueden salir de la kaza.
  • En la Korea de Sud,una mujer kon 96 anyos fue la persona mas vieja en el mundo ke se rekupero del koronavirus. Eya agora tiene salud buena i kontinua en su kaza kon su ijo.
  • En la Italya i laEspanya los animales ke yay muncho tyempo no fueron vistos en las sivdades ya tornaron a las kayes i los parkes.
  • En Venezia, los kanales se tornaron a ser limpiyos i transparentes otra vez achakes de la pausa en el movimiento de grandes barkos turistikos. 
  • En Espanya vimos munchos videos de las polisiyas del payiz dando konsiertos. Eyos kantan kantikas tradisyonales i tokan en sus enstrumentos en los kazales chikos ande la djente kontinua en karantina.
  • En todo el mundogrupos de personas voluntarias estan ayudando a la djente mas vulnaravle de sus komunidades. Topando abrigos por los ke no tyenen kaza, yevando komida i medisina a los povres, i ayudando a los viejos ke tyenen difikuldad de salir de la kaza para merkar kozas.
  • En todo el mundokontinuamos aplaudir a todas las personas ke dainda estan lavorando en estos tyempos duros, komo los konduktores de kamyones, los lavoradores de los supermerkados, i klaro los ke estan lavorando en los ospitales.
  • Finalmente, en muestras kazas mozotros tambien estamos ayudando a los medikos, a los enfermeros, i a muestras komunidades. Kuando mos kedamos en muestras kazas, estamos azyendo lo mas posivle para ke esto todo se eskape mas presto. 

Ya veremos mas tadre ke despues de este periodo difisil las kozas simples i chikas seran mas presiyozos. Un kafe chiko kon muestros amigos, un paseo en la playa, un alhad djunto kon la famiya entera - todo va tornar a normal i todo mos va plazer dainda mas.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

HUKAT i BALAK

Mozotros Ailesi-İrvin MANDEL

Mozotros Ailesi-İrvin MANDEL

Tünelin Ucu-İzel ROZENTAL

Tünelin Ucu-İzel ROZENTAL