Atansiyon sovre la konsomasyon demaziada de Agua

Anet PASE Judeo-Espanyol
4 Aralık 2019 Çarşamba

Los tyempos se marearon. Ya estamos en Novembre. El mez de Enero ya esta en la puerta. Dayinda el tyempo no se yelo. Luvyas no ay. En la televizyon, las informasyones sovre el tyempo estan avlando de la sekura. En el norte, las montanyas de yelo se estan derrityendo. Las aguas se estan yelando,  i estan vinyendo abasho. Luvya no ay, ma kuando empesa, esta vinyendo para derrokar. En munchas sivdades ay inondasyones. Estos haberes ya tienen todos en los oyidos. Lo ke me esta vinyendo kuryoso es, deke el governo no tyene una politika de agua. En vezes estan avizando en la televizyon kon las publisidades para travar la atansion al uzo de agua. Las rezervas se estan apokando. Esto ya se save del envarano. Kaliya ke empesaran de munchos antes, a dar edukasyon al puevlo komo se rezerva i se utiliza la agua mas konvenivle. No es kuando vamos a kedar sin agua. Mas i mas muncho antes. Kuando estamos enshaguando, kuando estamos lavando los dyentes, serrar i avrir la agua. No puedo dizir ke no ay dinguna atansion sovre esto. Ma kale  una programa mas kondensada para edukar. Yo digo mozos ampesaremos de las kazas muestras kon los chikos. El avenir, el futuro es de los bebes. No tenemos dinguna razon de arrovar esto de eyos. Atansiyon sovre la konsomasyon demaziada de la agua.

 

 

 

Siz de yorumunuzu yapın

Tüm Yorumları Görün