kanada REklam

70 Anyos: 100 produktos muevos

70 Anyos: 100 produktos muevos

La Teknolojiya de Israel esta enrikesyendo el mundo. Solamente una tyerra ke poseda 22.000 kilometros kuadrados, el mundo lo esta amostrando komo el ochen pais el mas fuerte. Israel, un pais influente i enerjiko sovre la teknolojiya. Las sosyedades grandes del mundo estan utilizando la grande teknolojiya de Israel, i los otoridades estan asegurando la agua limpya, el mantenimyento, el personel en los ospitales ke estan kurando los hazinos kon los sistemas las mas teknolojikas.

        Israel djugo un rolo muy grande sovre las inovasyones globales. Echaremos un ojo sovre este sujeto. Seguridad sibernetika, entelijensya artifisyal, mobilidad teknolojika otomatika, teknolojiya de salud, defensa … En estos puntos de vista, este pais es un grande innovador de esta epoka.

En el anyo 2006, “Solar Edge” se fondyo para ke la enerjiya solar seya aksesivle kon un presyo mas konvenible. La firma tomo la mas alta enerjiya de los paneles solares, i aseguro la produksyon la mas reushida. “Solar Edge” tomo 117 patentas (lisensias) de los otros paises.

“Cyber Ark” topo una solusyon de seguridad de kuenta privilejyada.

“Cyber Ark” enfortesyo los protokoles de seguridad de siber i djugo un grande rolo. En el mundo entero mas de 3600 fondasyones, tyenen konfiensa en “Cyber Ark” para protejar los datos los mas kritikos.

El Primer Instituto Tekonolojiko en Haifa es “Technion”.

“Startup” es el nombre ke se esta uzando por las firmas muevas ke se estan fondyendo.

Israel es un pais ke se fondyo en medyo de un dezyerto. Un pais ke tyene 9 milyones de populasyon. Komo puede ser ke este pais es pionaryo en “Startup”?

No tyene dinguna fuente natural (doğal kaynak) i desde ke se fondyo esta en gerra kon los arabos ke son vizinos. Para pueder desveloparse i avansar, lo ke teniya en la mano era solamente ser kreativo i lavorar dia i noche. El resultado fue ke el pais reusho. Kuando se fondyo, no teniya ni una superfisiya para ensembrar. Oy Israel es un pais muy grande en la eksportasyon de los produktos de agrikultura. Esto es una sistema ke se reushe kon lavorar muncho i tener una entelijensya muy grande.

Todas las konversasyones en los telefonos, las korrespondensyas, todas las aksyones de redes sosyales, todos los mesajes kurtos i todos los tipos de komunikasyones estan debasho del kontrol i de vijilensya de las fuersas de seguridad de Israel. Este kontrol se esta azyendo kon los soldados sibernetikos una unidad de 20.000 soldados. El 99% de los Israelyanos saven meldar i eskrivir. Los ke saven en ingles son tambyen muchedumbre. El pueder judisial es independente. Esto es un faktor emportante para pueder travar el kapital etranjero al pais.

Lo ke esta emportante para la mueva jenerasyon ke se estan enteresando en la teknolojiya, es de ser liberos i independentes. No se estan mesklando en la relijyon, en la lingua, en la kolor, en la rasa, en la fason de vistirse del den frente. Estan lavorando muncho i en el tyempo ke les keda keren azer lo ke keren sin ke los grandes se mesklen.

Estan reushendo en sus espasyos porke estan lavorando kon ardor.

Ke seyan syempre reushidos i ke adelanten el pais.

 

 

 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın