6 Temmuz 2020 Pazartesi 03:26

Kuando una mujer se mete una idea a la kavesa mijor es kortarle la kavesa ke arepintirla de su idea…

Forti BAROKAS Judeo-Espanyol 1196 görüntüleme
30 Ekim 2019 Çarşamba

De ke vinimos de la kampanya ke estamos en un maraton. Ya vyene Roshashana azeremos dulse de mansana; detras ya vyene Kipur a la tomadura makaron ograten a la kortadura pan i azete i supa de gayna; detras Sukot vamos a la Suka komeremos uvas, oy no se lava, es Oshana raba, oy no se aze echo, es Simhat Tora…

 Una amiga non djudia, un dia me demando “kada mez tenesh un moed? i kada moed depende de komidas?”  Ayde ven dale a entender deke no komemos uvas antes de Sukot. Le dishe: “Kome la uva i no demandes de ke vinya es!” (üzümünü ye bağını sorma).

Para syertas personas ya amaho el asigo, van a tornar a sus vidas rutinas. Ma para mozos los vyejos aktores del DYD, no se eskapo el maraton. Kijo dizir el amor de la shena es otra koza. Es muy ermozo kuando se realiza el ideal del benadam.

“KON UNA LETRA, EN DOS PUNTOS KOMO PUEDE TROKAR UNA VIDA”

Ansi empesa a kontar su vida, HANNA ROVINA.

Hanna nasyo en el anyo 1889 en un kazal nombrado Barzino en Rusia. Hanna era una buena eleva en la eskola, komo konosiya el yidish i el ebreo, para ganar  paras despues de la eskola, dava lisyones a syertos elevos. Kuando eskapo la eskola se fue a Varshova i se izo profesora de un kresh de kriaturas. Esto turo fin ke topo en su meza una letra de NAHUM TSAMAH.

NAHUM TSAMAH, teniya pretansyones de fondar un teatro en Moskova. Hanna en la eskola metiya en shena djugos de kriaturas i eya djugava mezmo. Nahum la vido djugar i kijo kolaborar kon eya, le mando una letra dizyendo ke la kere ver. Hanna emprimero se mareyo, ma deve de ser ke teniya aryento el korason el amor de teatro, de vista se fue a verlo a Nahum Tsamah.

Apenas se konosyeron empesaron a azer planos de avrir un teatro en Moskova.  Hanna de vista disho si i partyeron para Moskova.

Los planos malorozamente kayo al pozo. Empeso la primera gerra mondial, detras la revolusyon Bolshevik (1917), la gerra interior de Rusia, la mizerya, provedad, ambyertura…

Ma eyos komo eran muy idealistos no se demoralizaron nunka. Munchas noches se echaron ambyertos; kontinuaron a lavorar i a adelantar el teatro de sus iluzyones, HABIMA.

En el anyo 1920, desidaron de djugar la pyesa DIBBUK, eskrita por Salamon Rapaport. DIBBUK es la mas popular pyesa del teatro Yiddish. Hanna tomo el rolo LEA. Lo djugo tan bueno ke a la fin, los ekspektadores, se alevantan i dan palmas en pyes mas de 15 puntos. Kreyo para una artista no ay mijor de esta ora.

Hanna este rolo lo djugo mas de 1000 vezes. Kuando le demandavan: “No te enfasyates de djugar este rolo?” Eya les respondiya:“El rolo es mizmo ma los ekspektadores son diferentes; es este rolo ke me izo a mi HANNA ROVINA”.

1928, el anyo ke dyeron la desizyon de azer aliya a Erets Yisrael. Eya i su grupo estavan orozos ke HABIMA esta en su patriya. Hanna Rovina estuvo en shena fin los 80 anyos. El 4 febrero del anyo 1980 serro sus ojos eternalmente. En la seremoniya del teatro, Habima estava su kerida ija Ilana, sus ekspektadores i el primo ministro de akel tyempo, MENAHEM BEGIN.

INVYERNADA BUENA.

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

HUKAT i BALAK

Mozotros Ailesi-İrvin MANDEL

Mozotros Ailesi-İrvin MANDEL

Tünelin Ucu-İzel ROZENTAL

Tünelin Ucu-İzel ROZENTAL