Grasias a La Kaza Muestra i a Yuri Sasson (Málaga, Espanya) este enverano pudimos meter a luz los dalkavos 7 romansikos de los 16 ke teniyamos arekojidos i redaktados de los archivos de la Alliance Israelite Universelle (Paris). 7 Romansikos ke se aviyan publikado en los anyos 1930 fueron re-publikados por el Sentro Sefardi de Estambol. 7 romansikos ande vash a topar istorias (lo mas de amor) ke vos van azer sonreir kon sus karakteres interesantes. Ma lo mas importante es ke ganimos 7 livrikos mas para adjuntar al trezoro del Judeo-Espanyol eskrito. Una koleksyon maraviyoza esta a vuestra dispozision en el Sentro Sefardi i en Gözlem Kitap. La seria viene en dos setes, una de 4 livrikos i la otra de 3. Kada set kosta 25TL.
Para enkomendar eskrivi a Karen Sarhon: [email protected] o a [email protected] o telefona a 0212 231 92 82.
