kanada REklam

El mijor antibiyotiko para kada hazino

El mijor antibiyotiko  para kada hazino

Los sientífikos israelienos estan azyendo un analiz de grandes datos para topar el mijor antibiotiko para kada hazino. La teknolojiya mueva para azer investigasyones en el Instituto de Teknolojiya Technion-Israel i el Instituto de Investigasyon i Inovasyon Kahn-Sagol-Maccabi en Maccabi Healthcare Services va pueder mijorar los tratamientos kon antibiyotikos i el remedyo para bakterias rezistentes.

Esta taknolojiya mueva prezentada en un estudyo en Nature Medicine, fue una kolaborasyon entre el Instituto KSM de Maccabi, dirijado por Varda Shalev, i los investigadores del Technion Roy Kishony i Idan Yeli.

Komo las personas estan empleyando antibiyotikos para kada chika enfeksyon, las bakteriyas se izyeron rezistentes a los antibiyotikos. Komo rezultado, los antibiyotikos estan peryendo sus efektividad, ansi ke las enfeksyones bakteryales no se estan puedyendo kurar i a las vezes lo estan yevando al hazino fin a la muerte. Esta tendensiya danjeroza se va pueder evitar topando kual antibiyotiko es efektivo por kual hazino.

Kishony, uno de los prensipales ekspertos en el kampo de la rezistensya a los antibiyotikos, topo metodes para pueder analizar la mapa jenetika de la rezistensya a los antibiyotikos. Estos teknikos van a permeter predizir (önceden belirlemek) la rezistensya de una bakteriya a varios antibiyotikos, oy i en el futuro.

El sentro de este estudyo fue las enfeksyones urinaryas, ke afektan mas de la mitad de las mujeres en algun periyodo de sus vidas. Estas enfeksyones vyenen de diversas bakteriyas, entre eyas Klebsiella Pneumoniae, E. coli y Proteus mirabilis. Los investigadores toparon ke los niveles de rezistensya a los antibiyotikos son diferentes para kada hazino, i ke un syerto antibiyotiko va ser efektivo en un hazino i no en otro hazino.

“Agora va ser fasil de predizir el nivel de rezistensya bakteryana para las bakteriyas ke kavzan enfeksyones”, disho Yelin. “Esto se aze en analizando los datos demografikos ke son, la edad, el sekso, la rezistensya en las vyejas personas, los niveles de rezistensya de siertos antibiyotikos en las kulturas de orina anteriores del hazino, i las kuras ke el hazino tomo fin agora’.

En empleyando la analiz de datos en mas de sinko milyones de kavzos en mas de 10 anyos i  analizando 700,000 kulturas de orina, los investigadores toparon este sistema para ayudar a los doktores a eskojer el mijor antibiyotiko.

Los investigadores toparon ke kon esta teknolojiya se va pueder evitar la probabilidad de empleyar la antibiyotika inkorekta por 40%. Shalev disho que esto es “un grande progreso en el kampo de la rezistensya a los antibiyotikos”.

 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın