La Felisita

La Felisita

En la epoka ke estamos bivyendo en el mundo entero, no esta muy fasil de bivir orozos i sin problemes, seyga por los mansevos, seyga por los aedados.

Estas avyendo la televizyon u la radyo; las novelas te estan enserrando las alas del korason. La situasyon del pais ande estamos bivyendo no esta briyando al karanfil.

Estas avlando kon amigos, no ay echos, la ekonomiya no esta buena, estan kitando del echo a munchos mansevos, porke ay una kriza ekonomika.

Los ke estan afuera del pais estan tornando atras, los ke estan aki se estan indo. Todos los mansevos i los ke tyenen ijos chikos estan pensando de deshar el pais i ir u a Israel, u al Kanada, u a la Espanya… para pueder kontinuar a bivir mas fasilmente i pueder rezistir a los gastes de las eskolas, los gastes de las kazas, topar echo para una vida mas sivilizada

Todos, mas o menos estan pesimistos (kötümser) en pensando al futuro (gelecek), en todo modo de espasyo. El estado psikolojiko (ruh hali), de munchas personas esta enfasyado (bıkkın) i pesimisto.

Es por esta kavza ke, kije partajar kon vozotros, keridos lektores, las formulas (formül) de bivir la vida kon felisita (mutluluk).

Los psikologos estan dando emportansa a kuatro formulas de “Felisita”.

Dar loores (şükretmek),

Estar sanos i rezyos (sağlıklı olmak),

Azer buendades i kerer byen el echo ke estas azyendo.

Dar loores: ennaltese (yükseltmek) la enerjiya de la persona, amingua (azaltmak) la kanserya i las dolores (acılar).

Azer buendades: komo por egzempyo vijitar un azilo de los aedados (yaşlı yurdu) u un ospital, ayudar a un vizino, eskrivir una letra a la granmama; esto todo aze pujar (arttırmak) la felisita.

La felisita es en primero la sanedad.

La felisita esta en muestra mano.

Devemos de aminguar lo ke estamos asperando de la vida, arrepintirmos (vazgeçmek) de muestras ambisyones (hırs). Admeter (kabullenmek), akseptar todas las kozas negras ke vyene a la kavesa de una persona, adaptarse a la situasyon mueva, para pueder kontinuar a bivir.

Lo mas emportante en la vida de una persona es: la adaptasyon (uyum sağlama) a los evenementos muevos komo por egzempyo los evenementos negros ke no estas asperando, komo rovo (dolandırıcılık), hazinuras,  muertes i otras kozas.

Kale azer munchos sakrifisyos (fedakarlık), rezistir a las difikultades (göğüs germek), i ser sezudos (olgun).

Ma este komporto no es fasil de realizarlo. Esta atitud (davranış) esta destruyendo (mahvetmek) a la persona.

La kerensya (sevgi) es la felisita (mutluluktur).

Para pueder bivir orozos, kale ser pozitivos (olumlu), bushkar a los paryentes i a los amigos frekuentamente (sık sık), aserkarmos de los ke keremos byen, abrasarlos (sarılmak).

Garez (kin), aborresimyento (nefret), enemista (düşmanlık) i espanto (korku) son kozas de los kualos kale estar leshos, porke aminguan la enerjiya de la persona i lo yevan al pesimizmo.

Tener tolerensya (hoşgörü) i pardonar al den frente.

Ser onesto, (dürüst), djusto (adil), i derecho (doğru).

La baza de la felisita es: kontertarse (yetinmek) de poko i ser lo ke sosh (kendin olabilmek).

Ser afektuozos i dar kerensya al den frente es emportante. Kale saver la valor de todo en su tyempo.

LA FELISITA: esta aryento de mozotros, en muestra sonriza, en el abraso apretado, en las kozas chikas.

LA FELISITA: esta en la konosensya (bilgi), ke es el esforso (çaba) de ambezar todo.

LA FELISITA: esta en la oja de una flor, en la ala (kanat) de un papiyon.

LA FELISITA: esta en la vedrura mojada, ande se korye a pye deskalso.

LA FELISITA: esta en la savor del chay ke se beve en una kupa de vidro.

LA FELISITA: esta en todas las partes ande no ay los malores (mutsuzluk).

LA FELISITA no se bushka, kale konstruirla (inşa etmek).

LA FELISITA: esta en la liberta, en la igualita (eşitlik) i en la solidarita (dayanışma) i lo mas emportante, esta en la AMISTA.

Deke dizimos ke no estamos orozos kuando ay este kadar de kozas para estar orozos i bivir kon felisita?

Keridos lektores, vos oguro una vida kon felisita kon lo ke tenesh en el entorno de vozotros...

 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın