15 Temmuz 2020 Çarşamba 20:18

Keridas sinyoras, konosesh la istorya de la “Zumba”?

Metin DELEVİ Judeo-Espanyol 1477 görüntüleme
21 Kasım 2018 Çarşamba

La santa matrona djudia de “zumba”: Zumba fue inventado grasias a una madre djudia kolombiana, Rakel Perlman, amante de bayles.

Un dia, en los medios de la dekada de 1990, el ballet i koreografo, Alberto “Beto” Pérez se olvido de tomar al lado su muzika abitual para su klasa de aerobiko ke ensenyava en Bogota, Kolombiya. Deviya de aver una muzika en la klasa. Kualo azer? Se fue a su otomobil i eskojo unos kuantos CDs ke eran en su mayoriya, muzika latina. I kon estos CDs de salsa izo una klasa komo una fiyesta de bayle. El i los elevos pasaron el tyempo tan bueno ke kijieron kontinuar todas las lesones kon esta muzika, i mas i mas toparon un nombre a esta leson, la “rumba”.

Unos kuantos anyos mas tarde, Perez se instalo en Miami. Un diya resivyo un telefon de Alberto Perlman, ijo de uno de sus viyejos elevos de Bogota. Enamorada de su maestro de rumba i de su ijo, la madre de Perlman, Rakel, penso ke los dos devian unirsen i empesar un negosyo. De esta manera, los dos emigrados kolombianos se toparon en un Starbucks i avlaron sovre esta grande idea: lansaron la Zumba, trokando el nombre de rumba, ke sinyifika “fyesta” en espanyol kolombiyana.

Agora se topa Zumba en 180 paizes aldoredor del mundo (en el ONU – Nasyones Unidas ay 193 paizes myembros; kijo dijir kaji en el mundo entero la “Zumba” egziste!) kon 200,000 sentros i estos sentros ofresen una variedad de klasa espesializadas: Zumba para chikos, Zumba para las nonas, Zumba kon pezgos i afilu Zumba para mujeres djudias observantes kon muzika mas modesta i vistimyentas mas serradas. Todo esto grasyas a una madre djudia, amante de bayles.

Kualo es la “Zumba”? La zumba es una meskla de ritmos latinos – salsa, merengue, flamenko o bachata – i egzersizes aerobikos ke se izeron una moda  para peryer kilos demazyados! I de otra parte dizen ke la “zumba” syerve para arrezyar los musklos. Se trata de una disiplina de fitness.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

GS2

Tünelin Ucu İzel Rozental

Tünelin Ucu İzel Rozental

Mozotros Ailesi-İrvin Mandel

Mozotros Ailesi-İrvin Mandel