Sharope blanko
Ayyyyyyyy ke yo me inyervo kuando veyo unos ombres ke les kaye la bava kuando ven estas modelas anoreksikas “KUERO I GUESO” komo diziya mi mamita! A mi me da ganas de darles una supika kon 2-3 revanadas de pan fresko, arroz kon gayna para ke se arten por fin! Entikeyadas enteras, no se si mizmo puedran komer sus komidas...
El Di-o ke les page a los ke las ovligan a figurar komo un palo seko, los dizes tremblando i la kara blanka pared, debasho del makiyaj ke se les aplika sin azer ekonomiyas en las kremas i los polvos para la kara! Una dezgrasya... Piadad por eyas...
Ma... Ay unas lokumikas, fistukitas ke son de vedra mas atraktivas i paresen mas umanas!
Avlo de akeyas modelas kon sus “redondos” bien arrodeyados, kavesalikos para arrepozarse komo si la persona estava en el Ganeden....
Deke eskrivi todo esto? No se! Ansina me vino de aryento.
Moadim le simha.
