La primera mujer djudia en el Kongreso Amerikano

La semana pasada aviya eleksiyones en Los Estados Unidos.

Metin DELEVİ Judeo-Espanyol
14 Kasım 2018 Çarşamba

Su mandato pudo empesar kuando su marido  muryo, ma eya supo ganar la reeleksyon sinko  vezes konsekutivos i  sirvyo en el Kongreso de 1925 fin 1937. Konoseremoz Florence Prag Kahn: republikana de California i la primera mujer djudia a sirvir en el Kongreso de los Estados Unidos.

Nasida en Salt Lake City en 1866, Florence Prag estudyo  en la universita  UCal Berkeley i empeso a lavorar komo profesora de ingles i historia en San Francisco. Despues de kazarse,  decho de lavorar en la eskola i empeso a ayudar  a su marido komo su sekretera durante sus tres periodos en el Kongreso, i fue su konsejera i mujer de konfiyensa. Ansi  no fue una surpriza  kuando eya  gano la eleksyon  especial para el posto despues de la  muerte de su marido, estava pronta para el posto.

La pozisyon i ideyas de Florence Prag Kahn sovre las mujeres era kompleksa. Por un lado, defendyo el derecho de la mujer a ocupar postos politikos, i disho: “No ay diferensiya entre los ombres i mujeres  sivdadinos, i no deve de aver diferensiya en la politika”. Por otra parte, se opozo al sufrajyo feminino en sus primeros anyos i nunka  no se konsidero komo una  feminista.

Probablamente no es  la unika koza ke la diferensya de Bella Abzug,  ke munchas vezes es sitada komo la primera mujer djudia en el Kongreso, ma savemoz por seguro ke Florence Prag Kahn era la primera djudia en el Kongreso. Bella Stavinsky Abzug, ija de una famiya djudia de la Rusiya, nasyo en 1920 i entro al Kongreso en 1974.

Siz de yorumunuzu yapın

Tüm Yorumları Görün