Alüminyum Hurda Geri Dönüşüm

La estorya de tres sivdades

La estorya de tres sivdades

Esto es el titolo de un artikolo ke meldi en un jurnal. Me travo la atansyon no se deke me izo evokar el livro “The Tale of Two Cities” (La Estorya de dos Sivdades “ de Charles Dickens. Naturalmente no aviya dinguna relasyon kon esto. En avansando a mi lektura entendi ke se trata de las tres sivdades evropeas  kandidatas (aday) para ser “La Kapitala Evropea de 2010”.

Si no me yerro, en uno de mis tekstos presedentes sovre este sujeto ya aviya indikado estas tres sivdades syendo: Essen de la Alemanya, Pecz de la Ungariya i muestra sivdad, Estambol. En el artikolo ke meldi se esta analizando los proyektos i lavoros ke se estan azyendo en kada una de estas sivdades kon el eskopo de ser kalifikadas (nitelenmek) komo Kapitala Kultural.

Kada una esta sigiendo un program i estratejiya, en la mezura de sus kapachidad i posivilidad. Asigun entendi, los budjetos de los programes i lavoros, se influensaron (etkilendiler) mas o menos de la kriza ekonomika aktuala. Malgrado este impedimiento (engel) todas las tres sivdades estan pretensyozas (iddialı). Aki vamos a ver ke manera la Komision de Organizasyon Turka esta abordando (yaklaşım) los lavoros en jeneral.

Se esta projetando de rekuperar (yeniden kazanım) la Erensya Kultural bastante estruida, derrokada i neglijada. Aumentar su kapachidad (burada kapasite) i renovelarla. Enforteser las relasyones kon la Union Evropea i dar fuersa a azer konoser Estambol, a la propaganda en una manera... Por ampesar, dirijentes de las Kapitalas Kultural de los anyos presedentes komo Glascow, Liverpool fueron envitados. Uvo interkambiyos de ideas i puntos de vista resiprokos. En los sitios de web ansi ke myentres las reunyones de prensa, se izo konvokasyones (çağrı) a diversas seksyones.

La koordinasyon artistika esta egzaminando los proyektos. El objektivo (amaç) es de arrivar al shifro de mil proyektos al anyo asta 2010. El budjeto fue fiksado komo una milliarda de euros para los tres anyos. El % 70 es para aparejar la baza fondamental (alt yapı), las reparasyones, renovasyones. El %10 para los proyektos kultural, el % 10 para la  propaganda. İ el resto para los gastes administrativos (idari). Un kuadro de 100 personas logrando para ser transparentes (şeffaf), van a deklarar los budjetos i gastes en el İnternet....

Siguro ke ay munchos proyektos en kamino de realizasyon. De vez en kuando lo etamos oyendo, meldando en diversas publikasyones. De un syerto tyempo para aki, ampesimos a ver en la Televizyon Nasyonal imajes de propaganda akompanyados de esloganos apropriados. No se por la ora, si en la prensa o televizyones estranyeras se ampeso este djenero de propaganda por Estambol. No tengo dinguna idea.

Asigun meldi, ay en el proram una aktividad, una atraksyon si puedo dizir ansi. Se trata de un proyekto bastante pretensyozo i sensasyonel. Se esta planeando de reunir el stadyum miles (*) de kantadores popular folklorikos (halk türküleri sanatçıları). Van a ser akompanyados tambien de miles de enstrumentalistos de “bağlama”, ke es el enstrumento prinsipal de la muzika folklorika. Otruna aktividad enteresante va ser la parada de Historia i de la Fuersa Marina (donanma), todo el largo del Bosfor.

Naturalmente estos todos proyektos tyenen i el buto de atirar un grande shifro de turistos a Estambol. Se esta estimando ser una entrada komo 154 milyones de dolares... Ampesando del mez de Julio, el “Treno Estambol” va vijitar todas las Kapitalas de la Evropa, durante un anyo. Por siguro ke ay munchos otros proyektos ke, visto el espasyo limitado, no esto pudyendo transferar aki... Lo ke puedo dizir es: Bivir i ver!... 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın