La primera boda en la Sinagoga de Edirne duspues la restorasion

La primera boda en la Sinagoga de Edirne duspues la restorasion

La Grande Sinagoga de Edirne esta kontando dias por la primera boda judia ke se va selebrar aya duspues de la restorasion. El vente i mueve de Mayo, Güneş Mitrani va unir su vida kon Harun Esentürk. Kuarenta i sesh anyos antes, la boda dalkavo en la Grande Sinagoga de Edirne, fue la boda de Sara i Rıfat Mitrani, ke son la madre i el padre de Güneş Mitrani.

 La Grande Sinagoga de Edirne, el Kal KADOS ha Gadol, duspues de la reparasion, en el vente i sesh del Marso, 2015, se avrio al servisio kon una seremonia, a la kuala asistieron miembros de la komunidad judia de Turkiya, i Bülent Arınç, ke era el visprimer ministro en akel anyo. La restorasion de la Sinagoga tomo kuatro anyos fin ke se eskapo, i kosto mas de 1.5 miliones de dolares, ke fueron pagados por el governo.

Vente otobuses yevaron los miembros de la komunidad judia a Edirne, para la seremonia de aviertura. Entre eyos, aviya los des-endientes de los viejos rezidentes de Edirne. Akeya noche, uvo un servisio relijiozo, i al dia tomo lugar la seremonia de aviertura. En la entrada de la sinagoga, la munisipalidad eskrivio los biervos: “Viejos amigos, bienvenida a vuestra kaza.” Los miembros de la vieja komunidad judia de Edirne, avian emigrado a otras sivdades por razones ekonomikas, i por los trublos kreados por los ultranasionalistos. En la seremonia de la aviertura, todos los asistientes estavan muy emosionados. Bülent Arınç disho, ke el asistio a la seremonia para amostrar ke las personas de diferentes relijiones, i kulturas pueden koegzistir en pas i seguridad.

La sinagoga Kal KADOS Agadol, tiene los karakteristikos de architektura de la mas grande sinagoga de Viena, Leopoldstädter Tempel. Edirne es tambien el lugar de nasimiento del Maftirim, ke es la muzika mistika de los sefardis.

Harun, ijo de Anita i Selim Esentürk, se esta aparejando a unir su vida kon Güneş, ija de Sara - Rıfat Mitrani. Güneş kijo kazarse en la sina-goga de Edirne, ande se kazaron su madre i su padre. Antes de la boda relijioza, el prezidente de la munisipalidad de Edirne, Recep Gürkan va azer la boda ofisial. 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın