El Purim de Truman i Jacobson

 El Purim de Truman i Jacobson

Edward Jacobson (1891) era un ombre de negosios, judio amerikano. El fue un kolego de la armada amerikana, tambien un asosiado de negosios, i amigo serkano del presidente Harry S. Truman.

Jacobson nasio en la parte de abasho del Este de New York. Su famiya eran proves emigrantes judios de Lituania.  En el anyo 1905, empesaron a bivir en Kansas City, Missouri.

Jacobson rankontroTruman en el mizmo anyo, kuando i los dos avian empesado a lavorar en el sentro de Kansas City. En el anyo 1917, se rankontraron de muevo kuando empesaron a lavorar en Oklahoma kon soldados de Kansas City. Los dos endjuntos dirijaron una kantina, i tomando koraje de este sukseso, avrieron una merseria (tuhafiye dükkanı) endjuntos duspues de la Primera Gerra Mondial. El negosio no reusho por modo ke el estado ekonomiko del pais estava muy negro duspues de la gerra. Jacobson paso el resto de su kariera komo vendedor ambulante(seyyar satıcı). Esto lo permitio de vijitar Truman munchas vezes en Washington. Jacobson estava puediendo entrar al Oval Office libramente kuando keriya.

Kuando Jacobson por la primera vez oyo lo ke estava afitando a los Judios en la Alemania, antes i durante la Segunda Gerra Mondial, se fue a avlar konTruman. Su objektivo era de avlar kon Truman sovre komo pueden ayudar a los judios. Los lideres judios en los Estados Unidos ya savian ke Jacobson era un amigo del Prezidente, i le estavan rogado de azer presion a Truman sovre este sujeto.

El el 13 del marso del anyo 1948, Jacobson se fue a White House, i en esta reunion lo konvensio a Truman para ke se tope kon Haim Weizmann. Truman, kada vez ke se topava kon Jacobson, se estava inyervando mas muncho por modo de la presion de los lideres judios, i estava diziendo ke no keriya ver mas dingun lider judio. Ma Jacobson le akodro de su admirasion por Andrew Jackson, i le disho: “Tu ero (kahraman) es Andrew Jackson. İ yo tengo un ero tambien. El es el mijor Judio bivo. Esto avlando de Haim Weizmann. Weizmann es un ombre viejo i esta muy hazino. El viajo miles de kilometros para pueder avlar kon ti. İ agora te esta asperando afuera. Agora le vaza dizir ke no keres verlo?”. Truman no puido dizir ‘No’, i salyo afuera para avlar kon Weizmann.

Los esfuersos de Jacobson dieron rezultado. Los Estados Unidos fue el primer pais ke konosio el muevo estado de Israel en el 14 de mayo del anyo1948.

Esto se yama ‘el Purim de Truman i Jacobson’. Si Truman no aviya votado en favor de İsrael, los otros paises no ivan a votar tambien.

En el anyo 1949, Jacobson vijito Israel, i se topo kon el primer ministro David Ben Gurion, ia  kon el prezidente Weizmann. Un rabino de Kansas City disho ke Jacobson deve de ser el presidente de Israel, i Truman le eskrivio a su amigo ke Israel no puede topar un mijor ombre komo prezidente, ma ke el le esta rogando ke no va aksepte esta propozision. Jacobson no aksepto la propozision diziendo ke “esto es un esuenio de un rabino muy emosionado”, i ke el esta “muy orguyozo de tener identidad  amerikana’.

En el anyo 1955, Truman kijo vijitar İsrael. Jacobson lo iva akompanyar en su primer viaje a İsrael, ma malorozamente este viaje no se puido realizo. Truman muryo de una ataka de korason en el mezmo anyo.

 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın