Mişpatim

Rav Yeuda ADONİ Köşe Yazısı
3 Şubat 2016 Çarşamba

I estos son los cuisyos ke ordenaros delantre de eyos. En la perasha Mişpatim meldamos los cuisyos ke nos ordeno el Todo Poderozo despues ke resivimo los dyes komandamyentos. El komantaryo Raşi eksplika este verseto verseto dizyendo: “Komo los dyes komandamyentos fueron dados en el monte de Sinay i estos cuisyos fueron dados en el monte de Sinay. La perasha enpesa kon el sujeto de syervo Ebreo, kuando komprares syervo Ebreo sesh anyos sirvera i en el seteno soldra en libertad debaldez. En el primer komandamyento de los dyez komandamyentos dize: “Yo so tu dyo ke te kiti del esklavaje de Ayifto. Dunke tu deves ser esklavo del Kriyador i no de les personas. Komo el diya de Şabat nozotros repozamos i damos testimunyo ke el Kriyador kreo el mundo en sesh diyas i el diya seteno, fue un diya de repozo.

Ansi el esklavo ke fue vendido deve de lavorar sesh anyos i al seteno deve tornar a su libertad. La perasha trata por una persona ke seakometyo de azer un rovo, i el Tribunal lo vendyo para ke puede pagar su rovo. Dunke, de aki se entyende ke no tuvo la posibilidad de pagar el rovo ke se akometyo de azer. La Tora nos enkomenda: En este manera un kavzo a este persona no se deve de konportar komo esklavo i el es un ermano nuestro deve de azer lavoras ke no es un ensulto para el. Azerlo lavorar el diya i no la noche despues ke kompleto sus sej anyonos se deve de dar su libertad. Este sujete vyene a enbezar a nozotros. Los ijos de Yisrael estuvyeron esklavos a Paro. El Kriyador nos kito de Ayifto i nos dyo a nozotros la libertad. Dunke nozotros somos esklavos del Kriyador i no de las personas.