La relijion kontra la siensia

La relijion kontra la siensia

El selebro biologo E.O. Wilson esta diziendo ke devemos de eliminar las relijiones porke las relijiones estan metiendo obstaklos delantre del progreso del umano.

En una entrevista kon la revista New Scientist, Wilson estuvo avlando sovre su livro dalkavo, ‘La sinyifikasion de la egzistensia umana’. En este livro, Wilson esta kestionando la relijion.

En su futuro livro, el tiene la entinsion de eskrivir sovre ‘Ande mos esta indo muestro jenero?’’. Wilson esta diziendo ke estamos ignorando indisios (ipucu) de la siensia, i estomos aziendo danyo a la siensia por modo la relijion.

“Todas las ideolojias i las relijiones tienen sus propras respuestas a las grandes kestiones, i kada relijion tiene sus repuestas ke las otras relijiones no estan akseptando. No emporta tan jenerosa, i yena de amor seyga kada relijion, no esta akseptando las repuestas de las otras kreensias’’.

Wilson esta diziendo ke el no es un ateisto, ma el esta eksplikando:”Yo so un sientifiko “.

“Las personas, en el mundo entero, tienen una fuerte tendensia de demandarsen si estan suivados por un dio o no. Kada persona kere saver si vana tener una otra vida o no. Estas son las kozas ke estan uniendo la umanidad’.

“Estos son los puntos febles de las personas, i esto es la razon del nasimiento de las relijiones. Yo esto diziendo, por el bien del progreso de la umanidad, lo mijor ke puedemos azer, va ser aminguar, o asta el punto anular las kreensias relijiozas. Ma sertamente no eliminar el dezeyo de topar la real repuesta a estas kestiones’.

Avlando sovre el futuro de la umanidad, Wilson esta diziendo ke el mundo de los bivos, va vinir a un punto ke va peryer el ekilibro.

“İ kuando esto va afitar, todo se va derrokar’’.

 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın