Air France se ekskuzo i korıjo su yerro

Air France se ekskuzo i korıjo su yerro

Los pasajeros en un avion de Air France se konsintieron de un yerro en la mapa de Air France: Israel estava efasada de la mapa. Un pasajero, presto, embiyo la foto de la mapa a la oja de facebook de una pro-Israel organizasion, StandWithUs. En la foto, el estado judyo estava efasado, ma Yehuda Shomron i Gaza estavan notadas en la mapa.

Duspues ke esta foto fue publikada en Facebook, otros miembros de la oja de Facebook, empesaron a publikar sus propias fotos de la mapa, fotografiadas en los aviones de Air France.

Dr. Shimon Samuels, el direktor de las Relasiones Enternasionales del Simon Wiesenthal Sentro, embiyo una letra al prezidente de Air France, Frédéric Gagey, diziendo “la semana pasada, los miembros fransezes  de muestro sentro mos embiyaron las fotos de los broshures de Air France, (en Inglez i en fransez), amostrando los kaminos de los aviones de Air France. Eyos se apersivieron ke İsrael i Tel Aviv estan efasadas en la mapa. Keremos saver si Air France empeso una kampanya para efasar el estado judyo de la mapa’.

El direktor de Air France se ekskuzo, diziendo ‘ke uvo un problem en la eskala (ölçek) de la mapa, i ke este problem fue korijado”.

En el anyo 2009, British Airways aviya demandado ekskuzas por el mezmo problem, (Israel estava efasada en las mapas de sus aviones). El direktor de British Airways aviya dicho ke uvo un problem tekniko, i ke fue korijado.

El Sentro Simon Wiesenthal aksepto las ekskuzas de Air France ma no se kreyo a la razon del yerro de Air France. Komo ke se kreygan? Tel Aviv ke no esta notada en la mapa es una destinasion de Air France. Por kontra, Yehuda Shomron i Gaza ke estan notadas en la mapa, no son destinasiones de los avionrs de Air France.

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın