Naso

En la bendisyon ke moz bendizen los koanim egziste srj (6) bendisyones.

Ad…. Te bendigo i te guadre..

Aga alumbrar Ad…. Su kara sovre ti. İ te engrasye.

Alse Ad…. Su kara ati, i poze enti pas.

El Koen kesetopa serka el kriyador, por kavza de su misyon ke es de ayegar sirvisyos. (Korbanot) siguramente, ke son resividas los bendisyones ke eyos mos bendizen. Komo es diço, persona ke es ojo arto es bendiço, tambien sus bendisyones son resividas.

Enel Talmud es diço los melahim (anjeles) le dişeron a el sinyor del mundo: En la ley ke dates a el puevlo cudyo eskrive porke Ad…. Vuestro Dyo es Dyo de los dyozes, i sinyor de los sinyotes. Dyo grande poderozo, i tervile, ke no resive fases. Komo eskrivites en la bendisyon de los koanim “Alse Ad… sus fases a ti”?

El Kriyador responde dizyendo komo ke no alse mis fases sovre el puevlo cudyo? Yo les enkomendi dizyendo “Vas a komer ite vas a artar i vas a bendizir a tu dyo. Ma mi puevlo malgrado ke komen kantidad de una azetuna eyos no mankan de dizir Birkat amazon (la beraha) de (despues de komer).

No ay mas grande kualidad en la persona de ser ojo arto ke esparte de lo bueno ke le dyo el kriyador, a los ke poko tyenen. Ansi los koanim ke bendizen de la bendisyon kel es dyo el kriyador a el puevlo cudyo.

En la bendisyon ke mos bendizen los koanim nozotros, prononsas dizyendo te bendigo el kriyador i te guadro.

El kriyador bendize a los ombres, a ken le da sensya, a ken rikeza. El savyo tyene un entronpesa de tomarse gaava (grandeza) por su sensiya.el riko tyene myedo de pyedrer su rikeza. Ma el sinyor del mundo no basta ke le da a la persona su bendisyon i lo guadra de todo manera de entronpesos.

Despues ke meldimos en la peraşa los bendisyones ke mos bendizen los koanim, para ke seyan resividosenfrente el Kriyador devemos ser prontos a resivir estas bendisyones. Sigun la enportansa ke damos a estos bendisyones el kriyador no da abondansa nuestros dezeos. Nuestros savyos los bendisyones los asemejan a un riyo, el riyo ande topa syempre manadero de aguas.

 

 

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın