Tu Bishvat, la fiesta de los arvoles

Tu Bishvat, la fiesta de los arvoles

developaron.

Kuando el puevlo judıo fue ovlıgado a bivir en el egzılo, los judıos komo lasotras fiestas, se yevaron la fiesta de Tu Bıshvat  kon eyos, i komo memeoria de sus pais, se yevaron las frutas de Israel tambien.

En el egzilo, kada anyo, kuando viniya esta data, las kazas judias selebravan (komo oy en diya) esta fiesta kon las frutas de Israel; uvas, sevada, muezes, igos, datiles, olivas, granadas. Estas son las frutas ke forman ‘los siete espesies’ de la tierra de Israel. Los judios, en el egzilo, diziyan ke estas frutas illuminavan los kantones areskuros del egzilo, i ke ansi, la luz de los sieles de Israel puediya entrar a kada kaza. La dulsuria de estas frutas, alivyanava la amargura de la vida del egzilo, i akodravan al puevlo judio, ke la tierra de Israel esta asperando a sus ijos.

Duspues ke los judios tornaron a sus tierra, esta fiesta gano una mueva sinyifıkasion. Esta data se tranformo komo ‘el diya de plantar arvoles’. La Torah  dıze; ‘İ kuando vaza entrar a tu tierra, vaza plantar arvoles de frutas’. Segun la Torah, kortar un arvole, es komo matar una persona.

Kada anyo, Tu Bishvat es el 15 del mes de Shevat. Es la fiesta del anyo muevo de los arvoles, i tambien el empisijo de la primavera. Kada anyo selebramos esta fiesta kon toda la famiyareunados en el entorno del seder. En el seder, komemos estas frutas, en diziendo la Beraha de kada fruta. Tu Bishvat mos da la nuvela del nasimiento de la natura. En esta fiesta, los judios del mundo entero son reunados en komiendo las mezmas frutas, las frutas del pais santo, (mezmo los ke biven en los mas yelados lugares), i en diziendo la priera de la natura.

Los arvoles son emportantes por munchas razones. Eyos mos dan frutas, mos azen solombra en los diyas kayentes, abrigan los animales, dan oksijen i umiditad a la tierra, i evitan (engellemek) la erozyon.

Segun la Torah, ensembrar arvoles es una mitzva. El Dio mos kreo el ganeden, i mozotros kale ke kreamos guertas. Tu Bishvat se fiesta en kada kaza judia, embezando a muestras kreaturas la emportansa de los arvoles i de las plantas, ansi aparejamos muestras kreaturas a la vida, eksplikandoles la emportansa de la agrikultura por las personas.

Tu Bishvat mos da otros mesajes tambien. En esta fiesta, en las sinagoges, los rabis mos transmeten los mesajes de Tu Bishvat ke son muy emportantes por la kontinuasion del judaizmo, i por la edukasion de muestras kreaturas: ‘Muestras kreaturas son muestras frutas, i kale ke estan atadas a muestras tradisiones, komo son atadas las frutas a los arvoles. Kada arvole, para ke se engrandeska derecho, kale ke seyga kultivarlo. De mezmo, kale edukar muestras kreaturas, ambezarles muestras fiestas, muestras tradisiones, para ke se engrandeskan derecho. Las frutas ke son atadas buenas a los arvoles, no kayen presto, kresen i kedan sanas. De mezmo si edukamos bueno muestras kreaturas, kedan empies komo los arvoles, i dan frutas ermozas. Ansi, los arvoles mos dan mesajes, mos ambezan komo engrandeser muestras kreaturas. Los arvoles toman sus fuersas de sus raizes, i no se derrokan mezmo en las mas grandes tampestas. De mezma manera, las personas ke tienen kreensia, i dan emportansa a las valores morales, topan la fuersa de gerreyar kon todas las difikultades ke se enkontra en la vida’.

 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın