Vayigaş

Los ermanos de Binyamin, i partİkularmente Yeuda, el garante de su padre, No se vana kontentar, tan presto, kon esta gresya, del podestador del Ejipto. Enpesan alora amostrar sus valor, i sus baraganiya i Yeuda sovre todo, se mete a konvensar kon Yosef kon buenas i kon malas i le da a entender. Ke kale ke se yeve sano a Binyamin onde su padre.

Alora, se konvensyo byen Yosef ke sus ermanos verdadmente se vana entregar a la muerte por uno de eyos. I ke esto demostra por siguro ke ya se tuvyeron repintido de lo ke izyeron kon el, i no puedyendo mas suportar, se dyo a konoser a sus ermanos kon muncho fineza. I se abrasaron i yoraron, de parte i parte. Al punto tuvo para avizo, de esto i los grandez del palasyo i se gustaron muncho de saver ke sus podestador i rijidor es de una famiya la mas onorada del mundo i no es un ombre perdido o es esklavo sigun pensavan fin agora.

Yosef les dyo regalos i dodives a todos sus ermanos, para toda la famiya. I kon orden de Paro mando a sus ermanos. Kon karosas del palasyo onde Yaakov su padre por azerlo venir a Mistrayim. Para ke biva el resto de su vida kon repozo alado de su ijo Yosef.

Los ermanos de Yosef no perdieron tyempo i se fueron todos a una muy alegres onde Yaakov sus padre. Sigun les enkomendo Yosef se rijeron de no darle avizo a Yaakov al punto del echo de Yosef.

Yaakov no kijo kreyer tan presto sus palavras de sus ijos.

Pero, vyendo las karosas i los regalos ke le mando su ijo, se konvensyo por siguro ke es verdad lo ke le dizen i  se arebivyo su korason i kovro fuersa i alegriya todos los moradores de Kenaan ke savian la ansya de Yaakov se alegraron de sintir esta buena nuvela. I les izo kombite tres diyas.

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın