La Artista Beki Almaleh

“Artistas sefardíes desde Estambul a Barcelona” ke partisipo a la ekspozision kolektiva en el Centre Civic Pere Pruna en Barcelona, 3-30 Avril, 2014

La Artista Beki Almaleh

Beki Almaleh krea, kon las formas orijinales i bellas, el arte turko yamado EBRU.o marmoleado sovre agua. El ebru se logra en desinando kon tintas sovre una superfisia de agua, i despues, se aplika ensima, kon delikatesa, un papel ke absorba las tintas.

Beki Almaleh nasio en Estambol en 1931. En 1984, se retiro de la Mobil Oil Company ande avia lavorado 27 anyos komo sekretaria del direktor de kontabilidad i finansas.

Almaleh empeso a ambezarse el arte del marmoleado en 198, kon .Nusret Hepgül i kontinuo siendo su eleva durante siete mezes. En este kampo, es profesional desde 1989. Sus ovras fueron ekspozadas en 3 egzibisiones kolektivas i 33 individuales.

Una de sus ovras tuvo el premio del juri en la 5. Ekspozision de Arte Tradisional Nasional Turko i fue kuatrena en el 5. Encuentro Internacional de Marmolistas Se publiko un artikolo sovre su ovra en “Ink and Gall Journal” (VII, 1).

UNICEF imprimo una de sus ovras en el anyo 2000. La artista realizo munchas ekspozisiones entre 1989-2006.

En su kreasion, la realita es fuerte, poderoza, sovre fondos klaros de grande luminozita. Se trata de una ovra kon aksento de elegansa. Kreando una emosion de alegria kon su proprio lenguaje, deskrive los entornos ke desharon una trasa en su memoria.

Se puede enkontrar su arte en el Museo Urumchi (China); en la Biblioteka Süleymaniye, en Estambol, Turkiya.

Admiramos kon poesia i muzikalita la manera en ke la artista refleta el konsepto de la ermozura.

Kerida Beki, te sueto munchos otros projektos ke mos imprenyaran de estetika, en tu kamino artistiko.

 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın