El estado de oy de los judyos de İran

El estado de oy de los judyos de İran

La populasion judiya de İran se aminguo a 80.000 de 100.000-150.000, antes de la revolusion de İran en el anyo 1948. En los 1970’s la populasion se aviya estabilizado. Ma, duspues del derokamiento del Shah en el anyo 1979, los judios abandonaron el pais. En el anyo 2000, aviya kedado 25.000 judyos en İran. En el Agusto del anyo 2012, solo 8.756 judyos biviyan en İran.

Mas de tres mil anyos, İran tuvo la mas grande populasion del Medio Oriente. Ma, en los anyos dalkavo, la komunidad judiya no tuvieron repozo. Kon el muevo Prezidente, Hassan Rouhani, una mueva epoka empeso por los judyos de İran.

‘Este governo se esta enteresando de muestros problemes’ esta diziendo Homayoun Samiah,, el lider de la Asosiasion Judiya de Tehran. ‘!Oy, 20.000 judyos biven en el pais. Los judyos tuvieron grande presion en el tiempo de Ahmedinejad. En munchas okaziones, Ahmedinejad estuvo repetando ke el Holokosto es ‘un mito’. Ahmedinejad aparejo una konferansia enternasional en el anyo 2006, para provar ke el jenosido de los judyos, en realidad, no tuvo lugar. Ademas, el segundo prezidente del pais, Mohammed Reza Rahim, akuzo los judyos de azer el komerso de drogas.

Kuando Rouhani paso al posto, los judyos empesaron a resivir suporto del governo. El governo les permetio de serrar las eskolas judiyas diya de Shabat. Rouhani, tambien, les ayudo en dandoles un montante de 400.000 dolaras por un ospital judiyo de charidad en Tehran, i envito el solo lejistlator judyo del pais, para ke lo akompanye a la Asamblea Jeneral de las Nasiones Unidas en New York.

‘Mas, no estomos sintiendo la presion de los anyos pasados. Mos estomos sintiendo seguros, i tenemos todo modo de libertad’ esta diziendo Mahvash Kohan ke vino de Shiraz a Yazd, por una seremonia relijioza. ‘Agora, los judyos tenemos mijores kondisiones de vida en İran. No keremos deshar el pais’.

Malgrado esto, grupos de derechos umanos estan diziendo ke judyos i otras minoritas en İran, son dainda objekto de diskriminasion.

Los partisipantes de una seremoniya relijioza en Shazd, estuvieron avlando sovre el muevo governo. Disheron ke estan reunidos en la Sinagoga Mula Agha en Yazd, para selebrar la unidad de los judyos, i ke agora estan orgoyozos de pueder pratikar sus relijion libramente.

 

 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın