Beaaloteha

Salyendo el puevlo del dizyerto de Sinay i entrando al dizyerto de Paran enmedyo el kamino ke tura tres diyas, vyendo ke entraron a un dizyerto temerozo, leshos de luguares de moradas de cente, se enpesaron a keshar, topavan ke avlar kontra. Bushkavan razones i achakes para kada koza i koza. Ma el Kriyador ke todo oye i todo save, ya sintyo sus malos pensamyentos i le desplazyo muncho. El puevlo arivando a el luguar nombrado Kivrot ataava, la cente ajena ke estavan kon eyos (Erev Rav) dezearon unas kozas afuera del menester, kozas ke no se puedian toparsen mas ke en las sivdades, i no en el dizyerto. I el puevlo cudyo sin apartar i saver la diferensya ke ay de eyos a esta cente tomaron i eyos a yorar dizyendo: Ken nos dyera a komer karne? I se enpesaror a rekordar de munchas kozas de muy poka enportansa ke tenian en el Ejipto debaldes myentres ke el mantenimyento ke teniyan en la mano ke es la magna era una koza muy estimada en su savor i en su vista, i en su limpyeza. Tinyendo esto en mano no kaliya pensar por unas kozas de muy poka enportansa.

Se rekojeron, kada uno en la puerta de su tyenda famiyas enteras a yorar, por este mal ke les manka todas estas kozas ke teniyan en Mistrayim kon abondansa. La verdad ke esta koza le desplazyo muncho a el todo pozerozo, komo echaron tan presto sus buendades detras de la espalda.

Moşe Rabenu sintyendo estas todas palavras de el puevlo, se kesha kon el Todo Poderozo dizyendo ke pekados tuve ke me dates esta karga tan pesgada, kaje ke no puedo suportar. El Kriyador le enkomenda a Moşe Rabunu ke eskojga 70 personas de los savyos de el puevlo, ke son konpetentes por giyar a el puevlo i el Kriyador les va dar fuersa ke rijan a el puevlo i ke la alivyanen el yugo de Moşe Rabunu. I Moşe Rabenu rekonto al puevlo el orden del Todo Poderozo i eskojo 70 personas de los savyos de el puevlo.

 

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın