Pekude

Estas son las kuentas del Tabarnaklo, del Tabarnaklo del testimunyo, ke fueron kontadas por diço de Moshe, por el servisyo de los Leviyim, por mano de İtamar, ijo de Aaron Akoen, i Betsalel ijo de Uri, ijo de Hur, del trivo de Yeuda. İzo todo lo ke el Kriyador enkomendo a Moshe.

De estos versetos estamos entendyendo la enkomendansa de la fragua del Mishkan, dizde, las perashiyot de Teruma, Tetsave, Ki Tisa i Vayakel ke ya se termino el lavoro sakro, ke fue enkomendado Moshe Rabenu. El lavoro se termino perfektamente komo lo meldamos en los versetos de la peraşa, ke todo se izo komo el orden de el Kriyador ke ordeno a Moshe Rabenu. Los maestros de la fragua dyeron kuento rendido de todo lo ke tomaron de los ijos de Y’İsrael, i todo lo ke empleyaron en la fragua.

En la Tora, en el livro de Bamidbar en la perasha de Matot meldamos el verseto: deves ser limpyos verso el Kriyador, i la cente.

El puevlo Cudyo dyeron abondansa todo lo ke era menester para el Tabarnaklo, el Mishkan. Eyos estavan siguro ke el Kriyador ya los perdono de el yerro ke izyeron, la divinidad ya va morar en el santuvaryo komo lo disho el Kriyador, “veasu li mishkan ve sahanti betoham”; azeme un santuvaryo i marave en el. Oy ke no tenemos el Santuvaryo; el korason de kada uno i uno deve ser un Santuvaryo, devemos saver ke el Kriyador este entre nozotros. Las orasyones ke azemos en las sinagogas kon un korason limpyo i bueno i kon buena entisyon, el Kriyador no la torna atras. İ nos da muncho bueno.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın