El primer festival de la kultura Judiya en Bulgaria

El primer festival de la kultura Judiya en  Bulgaria

El mez ke pasimos, el primer festival de la kultura judiya en Bulgaria se selebro enfrente del Palasio Nasional de la Kultura, en la kapital SoŞa. El festival tuvo el nombre ‘Shalom’, ke es el nombre de la organizasion de los judyos bulgaros, i tambien sinyiŞka ‘pas’, i se empleya por saludar.

El festival empeso en el kinze de Septembre. La razon ke los judyos bulgaros Şksaron este diya por esta organizasyon, es ke, uvo munchas okaziones en esta data. El kinze de Septembre fue el setentien aniversario de la liberasion de los judyos bulgaros de los kampos de eksterminasion del Holokosto. La segunda okazion fue el empesijo de Yom Kippur, el diya de Pardon. La tresera okazion es ke, esta data es el Diya de SoŞa.

Este evento es una parte de la kampanya ‘SoŞa, la Kapital Evropeena de la Kultura 2019’. El festival fue organizado por Shalom, JDC Bulgaria i SoŞa City Hall. Una konstruksion sembolika de la ‘Pared de Lamantasion’ fue aparejada en el Park del Palasio Nasional de la Kultura. Todos desharon mesajes de sus dezeyos en la pared. Mas duspues, los organizadores del diya, arekojeron estos mesajes, i los yevaron a Yerushalaim.

Los mansevos volontarios de la komunidad judiya organizaron tures sin paras por los rezidantes, i los vijitantes, i los kaminaron los lugares de la sivdad ke tienen relasiones kon la istoria i la kultura judiya.

Un workshop se aparejo para amostrar a la djente komo se apareja el ‘Hallah’, ke es el pan de Shabbat. Djugos i surprizes se aparejo por las kreaturas. Se organizo tambien konseres. Los muzikos judyos, los mas selebros de Bulgaria, komo Lika Eshkenazi, Etien Levi, i el mansevo Rene Raven kon su banda de muzika, dieron konseres por esta okazion.

El muziko israeliano Amir Gvirtzman, ke save djugar mas de trenta i tres enstrumentos, i la Banda Kleizmer de Amsterdam, vinieron a SoŞa, por dar konseres en este evento espesial.

Los organizadores aparejaron tambien standas de literatura judiya, i un estudio fotograŞko, ande la djente se fotografeyaron degizados en Einstein.

El ambasador israeliano de SoŞa, Shaul Kamiza-Raz disho ke este festival fue muy reushido, i ke el dio todo su apoyo por ke esta organizasion se realize. Shaul tambien ekspreso su esperansa ke esta Şesta se konverta en una tradision anual, komo se selebran los festivales asemejantes, en el mundo entero.

 

 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın