Bereşit

El Kriyador Kriyo todo el mundo, los syelos i la tyera, i todo lo ke ay en eyos en 6 diyas.

En el diya sejeno, kriyo al ombre Adam Arishon i a su mujer Hava i los metyo dyentro la guerta ke kriyo enel oryente Ganeden para ke la lavoraron i la guadraron de no deshar entrar adyentro a las bestyas i animales.

El Dyo permetyo a Adam i su mujer de komer de todos los arvoles de fruto ke aviya en Ganeden. Afuera del arvol nombrado, “ETS ADAAT” arvol del saver ke komyendo de su fruto aze pujar los dezeos i visyos del kuerpo. Le defendyo de komer de el.

Hava la mujer de Adam, se sombayo detras de la vista ermoza de este arvol i komyo de su frute i izo komer de el i a su marido.

El Dyo se aravyo muncho kon eyos porke pasaron su komando i los maldisho i destero de Ganeden.

El Kriyador los i zo azer a Adam i a su mujer unas kamizos de kuero por ke se toparan sus kuerpos ke estavan desnudos. A Adam le paryo su mujer dos ijos Kayin i Evel; i kon kada uno de eyos paryo una ija. La ke nasyo kon Kayin se nombrava Kalamana i fue mujer de Kayin, i la ke nasyo kon Evel se nombrava Balvere i fu su mujer. Kayin se okupava del lavoro de la tyera arar i sembrar. I Evel se okupava de pasear las avejas. Kayin i Evel trusharon prezente a el Dyo. Kayin trusho de los frutas de la tyera de lo ke le vino a la mano. I Evel trusho de los primeros nasidos i los mas ermozos de sus ovejos.

El Dyo amostro su kontentes de Evel i de su prezente i de Kayin i de su prezente no estuvo kontente. Kayin se selo muncho sovre esto i le guadre mal kerensya a su ermano. 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın