La perasha de la semana Yitro

Yitro suegro de Moşes Rabenu, tuvyendo ovizo de todo lo ke paso dizde ke salyo el puevlo cudyo del Ejipto, i todos los milagros ke izo el Kriyador a los cudyos por mano de Moşe Rabenu tomo a tsipora su ija mujer de Moşe Rabenu i a sus dos ijos, Gerşom Eliezer i se fue para el dizyerto al monte de Horev por verlo a Moşe Rabenu i ayegarsen kon el i saver todos los pasajes en detalyo.

Arivando al monte de Horev mando avizarle a Moşe de su vinida. Tuvyendo avizo Moşe Rabenu de la vinida de su suegro salyo al punto de Defidim a su enkuentro, el i todos los grandes personajes de el puevlo Cudyo. I lo resivyo kon mucho respekto i le izo las onores meresidas. I le konto todos los pasajes en detalyo dizde el diya ke se espartyo de el fin este diya.

Yitro se alegro muy mucho de sintir todo esto, i bendiso al Kriyador rekonosyendolo por sinyor de todo el mundo i resivyo sovre si de kreer en el solamente i guadrar sus enkomendansas, i kedo en el dizyerto kon Moşe Rabenu.

Despues de un mez i medyo, ke salyo el puevlo Cudyo del Ejipto en el primo diya del mez sivan, partyeron de Rafidim i arivaron al dizyerto de Sinay, i pozaron enfrente del monte Sinay. En este luguar deklara el todo poderozo al publiko por boka de Moşe Rabenu, ke el El Kriyador eskojo en este puevlo komo un trezoro, vozotros vites muy byen dize el Kriyador lo ke ize por vozotros a los Ejipsyanos, i ke vos truşe asta aki kon muncha siguridad. Komo sovre a las de agilas i agora, si vozotros Keresh ovedeser mis ordenes i konservar mi firmamyento kon vozotros, de ser mi puevlo fidel alora vozotros seresh konsidirados mi trezoro i me seresh muy keridos, ma a kondisyon ke devesh ser una nasyon de Koanim (servitores de Kriyador) i un puevlo santo. Sintyendo estas palavras el puevlo, de boka del Moşe Rabenu, respondyeron todos a una kon el mas grande antuzyasmo.

“Todo la ke nos enkomendo el Kriyador vamos a ovedeser”

Ansi vemos en la perasha el deklaramyento de los a seret adiberot.

Los dyes komandaymentos.

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın