Vaethanan

Rav Yeuda ADONİ Köşe Yazısı
1 Ağustos 2012 Çarşamba

Ansi dize Moşe Rabenu: i rogi a el Kriyador en a kel tyempo, dizyenda, Sinyor de el mundo tu empesates a mostrar a tu syerva tu grandeza, i tu mano fuerte, porke Dyo ay en los syelos i en la tyera. Pasare yo agora i vere la buena tyera ke esta al otro lado de el Yarden; a kel monte bueno, i el levanon, ma se ensanyo el Kriyador. Kon mi por kavza de vozotros i no me ayo, sino ke me disho el Kriyador. Basta! no me avles mas sovre este syeto. Suve a la punta de pisga i alsa tus ojos i mira la tyera prometida kon tus ojos.

Disha Moşe Rabenu: Sinyor de el mundo es ke yo so mas enferyör a Yosef Atsadik las enterates en la tyera santa. Yo porke no? Le responde el Kriyador dizyendo: Kuando disheron las ijas de yitro por ti “un ejipsyan nas eskapo de mano de los pastores” tu te estuvites kayado i no dishites ke sos un Ebreo. Ma Yosef Atsadik en el ejipto syempre disho yo so Ebreo de fokto el responsavle de los vinos le disho a paro un mansevo ebreo save eksplikar los sonyos. Kontan un ensheplo los savyos. Una person perdyo una moneda en un luguar eskuro, penso dengunos ke no levan ayudar a topar, kito de su aldikera un dukado de oro, i lo echo enbasho i grita dizyendo me kayo de mi aldikera un dukado de oro deviste todos arelumbrar an el luguar i topa la moneda de kovre i el dukado de oro. Ansi dize el Kriyador a Moshe. Si tu vas a ser entreado afuera de la tyera santa kuando va vinir el masiah i va ser TEHİYAT AMETİM - Tu vas a tomar a todos los enterados en el dizyerto por yevar los a la tyera santa.

Moshe Rabenu dize a el puevlo cudyo vaja azer kodos las enkomendansas para guadrar la Tora, i azer las enkomandansas, de aki se entyende. Ke el esansyel es de aplikar i no solo meldar i enbezar i una otra enkomendansa vemos en le perasha ke no pujesh ni amungesh de todo lo ke esta eskrito en la Tora ke nos dyo el santo bendicho el.