El optimismo

El optimismo

El optimismo es una kualidad emportante para las personas.

Estamos en la periyoda del invyerno ke es una sezon yelada . El tyempo esta luvyozo i ay un mez ke la inyeve no esta deshando tomar reflo.

Sej dias de la semana mos estamos alevantando kon inyeve, al syeten dia un poko de sol. La semana vinidera la mizma koza.

Los tyempos yelados, el syelo ennuvlado, la mar griza, los dias kurtos, las noches ariskuras, el ayre fuerte, los arvoles sin ojas, desnudos mos dan una tristeza, una pena. Las personas estan pesimistas.

Mizmo ke mos espantamos de arresvalarmos i  kayermos en la inyeve, kale ke seygamos pozitivos.

La kolor blanka de la inyeve es la klaredad, la pureza.

Ver de detras de la ventana todo blanko komo algodon, los arvoles yenos de rozas blankas, mos deve de dar una trankilitad, un kalmo.

El invyerno es una sezon emportante para

  mozotros los djudyos. Kaji munchas  fyestas komo “Hanuka”, “Tu-Bishvat”, “Purim” se fyestan en esta periyoda. La fyestas son para mozotros, los pasos (adım) pozitivos sovre todos los sujetos; para el desvelopamyento (gelişme) personal, sovre las partikularitades del karakter, sovre los penseryos (düşünce), i el komporto (davranış) ke tenemos.

En mirando i pensando al anyo ke paso, devemos de topar lo ke keremos de aryento del korason para pueder realizarlo.

Kada fyesta es un presipyo (başlangıç) ke kontyene la emosyon i la pozitivitad.

En estas fyestas, tomaremos desizyones komo kerer BYEN al den frente, dar AMOR al entorno i okupar de los ke tyenen menester de muestro APOYO (destek).

Teneremos solidaridad (dayanışma) entre mozotros. La semana ultima fyestimos Tu-Bishvat, ke es el anyo muevo de los arvoles. Kada arvole es una bendisyon para el pais. Kon su ermozura adorna (süsler) la tyerra i da solombra. Los raizes (kök) ke estan a las onduras de la tyerra, salvan de la erozyon.

La pozitivitad es una partikularitad (özellik) de la personnalitad (kişilik) ke apresya (değerlendirmek) todas las ideas i las aksyones (eylem) de una manera buena.

Oy va eskojer lo ke va bivir entre el dia. Por egzempyo;

• U me va inyervar a la luvya ke esta mojando el entorno,

• U va kerer ke ayga muncha luvya, a kavza ke esta arrufyando (sulamak) las rozas de mi guerta.

• U me va enfasyar (sıkılmak) ke no tengo paras.

• U va azer planos para gastar solamente la moneda ke tengo.

• U va estar triste de mi salud ke tengo keshidades (şikayet).

• U va fyestar ke esto en la vida.

• U va estar en dolyo por los amigos ke peryi en la vida.

• U va topar muevos aliados (dost) para azer amigable.

Una persona pozitiva es konsyente (farkında olmak) de las problemas en la vida, ma bushka i topa las solusyones (çözümler), ve las difikultades ma se kreye ke va pueder rezistir a estas  difikultades, puede kesharse, ma prefera syempre la sonrisa (gülümseme).

Syempre estaremos pozitivos para bivir kon felisidad.

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın