Stanley Fischer, el governador de la Banka Santral de İsrael, anonso su desizion de kandidatura por ser direktor dirijente del İMF.

" />

Stanley fıscher, el muevo kandıdato por el posto en ımf

Stanley Fischer, el governador de la Banka Santral de İsrael, anonso su desizion de kandidatura por ser direktor dirijente del İMF.

Fischer nasio en Zambia, i se konvertio en un situayeno amerikano antes de azerse el direktor jeneral de FMİ en 1994, el posto ke el okupo del anyo 1994 fin el anyo 2001.

Durante la kriza finansaria asiatika i rusa de los anyos 1997-1998, Fischer fue muy aktivo i reushido en su posto. Los eksfonksionarios del FMI disheron ke Fischer fue muy admirado i respektado de la parte del personel del FMI.

Los otros dos kandidatos estan gerreyando por ogmantar sus kredibilidad kon los paizes.

Fischer va tener problemas para pueder ganar el voto del blok evropeano ke estan en favor de Christine Legaarde, el Ministro de Finansa de Fransia.

El segundo kandidato, Augustin Cartens, un graduado de la universidad de Chikago, es el governador de la Banka Santral de Meksiko.

Christine Lagarde tiene mas muncho eksperiensia en la politika ke en la ekonomika i las finansas, ma komo eya es kandidata de un paiz evropeeno, san duto los paizes evropeenos vana votar por eya.

La bushkida para okupar este posto, empeso duspues ke Dominique Strauss-Kahn renonsio en Mayo, akuzado de violar una enkargada de un otel en New York. Ma el, dainda lo esta inyegando.

La desizion de Fischer fue una surpriz. Tenieno 67 anyos, el es dos anyos mas grande del limit de edad para este posto. IMF deve de trokar las reglas para ke Fischer pueda entrar en este posto.

Mirando al respekto ke el gano por su lavoro komo subdirektor jeneral del FMI, i komo un eksekonomisto de la Banka Mondial, Fischer esta en favor komparandolo a Lagarde, ke no tiene eksperiensia en la ekonomika i en los echos de finansa.

Fischer disho al Wall Street Journal,  ke kuando sale problemas seriozos sovre la ekonomika, el personel de IMF dan konsejos kontradiktorios. ‘Si no tienes una formasion de finansa, es muy difisil de saver ken esta dando el konsejo djusto’disho Fischer.

Diya de Alhad, el Ministro de Finansa de Israel, Yuval Steinitz, disho ke las posibilidades por Fischer de ganar este posto no son grandes, mirando a la politika i a su edad. ‘Si no aviya estos obstaklos, no es posivle de topar una persona mas mijor de Fischer por este posto’ disho Steinitz.

Fischer tiene dos nasionalidades, Israeliena i Amerikana. La primera nasionalidad puede krear un problema por los paizes arabos, i la segunda por los paizes evropeenos, porke este posto normalmente es okupado por un evropeeno.

IMF deve de eskojer su futuro dirijente direktor fin al 30 de Juno. Malorozamente, teniendo el apoyo de grandes paizes detras, todos ya estan seguro de agora, ke Lagarde va ganar este posto.

Segun la nuvela ke meldi agora, la kandidatura de Fischer fue anulada por modo de su edad.

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın