Un byenfetor de muestra komunıtad mos desho la buena vida

Oy kero komemorar (anmak), un personaje emportante, ke no se puede ramplasar (yeri doldurulamaz),  un ombre umano (insancıl), de armoniya, ke dava apoyo (destek) a todos los ke tyenen menester sin mostrarse a la kayades.

“Salamon ÇAKIM” (ke su alma repoze en gan-eden) era el monumento de la Byenfesensya, de la djustisya, de la realidad.

Teniya un saverisyo en todo modo de punto  de vista, partikolarmente en su echo.

El fondyo la primera fabrika de deterjan (shavon) ke se yamava “Güneş Deterjan”, en la Turkiya antes sesenta anyos. Teniya mas de syen lavorantes ke se komportava kon eyos komo un padre. Del mas chiko al mas grande lo respektavan i lo keriyan muncho byen.

Los protejava (korumak) en topando remedyos (çare) a sus ansyas, a sus preokupasyones (dert).

No les ayudava solamente materyalamente, ma partisipava (katkıda bulunmak) al desvelopamyento (gelişme) de sus vizyones.

Progresisto (ilerici), umanisto, apiadoso (merhametli), teniya una grande kapachitad de solver (çözümlemek) los problemes, i las diskusyones (tartışma). Ennaltesiya  (yükseltmek) la valor del den frente, entelijente, no apresyava las personas asigun sus pozisyones materyales.

Todos eran igual (eşit) para el. İ el mas riko, i el mas prove. Edukava a los ke lavoravan kon el endjuntos, i los aziya adelantar.

Buen marido ke arreganchava (şımartmak) su mujer, buen padre, buen granpapa i buen esfuegro, muy reushido kon su sezudeza (aklı selim), i su saverisyo, era un ombre de ekilibro.

 Eran un kuple kon su mujer Luiz; muy keridos, ke kooperavan endjuntos para todo, atados a la famiya, ijos, ijas, inyetos, inyetas...

El se apatronava de su mujer i famiya en primero, de sus lavorantes i despues de todas las responsabilitades, komo lavorar komo volontaryo en el azilo de los aedados (İhtiyarlar Yurdu) durante sinko anyos de prezidensya de dia i de noche.

Salamon Çakım, reusho a trokar munchas kozas en el azilo, i tuvo un rolo muy grande para ke seyga una kaza komo un otel para eyos.

Lavoro muncho por la komunitad i izo munchas byenfesensyas de alma i de korason.

El era el egzemplo de la modestiya, de la semplisitad, muy laboryozo i produktivo.

Teniya komo prensipyo de ayudar a todas las umas, a todos los ke tyenen menester.

Kon su personalitad adjusto (katmak) al den frente munchas valores.

Muy laboryozo para reushir, lavorava muncho i aziya munchas buendades sin tener dingun profito personal. Dava sin asperar nada.

Su buto en la vida era; avansar syempre sin  demoralizarse (yılmadan) i kontinuar su misyon kon reushitad. 

Su primera amor era su mujerika, i la sigunda era el azilo de los aedados (İhtiyarlar Yurdu).

Lo ke dezeava era; ke todos  los myembros de su  famiya  esten en garansia (güvencede olmak).

Teniya una fraza (cümle) ke diziya syempre:

“La persona ke no se es kritikado, es ke no esta azyendo nada”.

Esto muy triste de peryerlo, porke lo konosi de mi chikes, fuimos amigas entimas de eskola kon su ija Ninet, ke somos dainda komo ermanas. Ke su alma repoze en gan-eden.

Pasensya a su kerida famiya, a sus amigos, i a toda la komunitad.

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın