La umor Djudiya -1

La umor Djudiya -1

A los djudyos les plaze burlar de todo. Vos va eskrivir unas kuantas anekdotes sovre los diferentes karakteristikos de los djudyos.

Los roles tradisyoneles de los ombres i las mujeres en la famiya djudiya, son diferentes. La mujer djudiya es fuerte, i le pasa mas muncho la palavra kon los ijos.

El ijo de Madam Kohen torno de la eskola muy alegre.

- Mama, la profesora me dio un rolo en la piyesa.

- Maraviya! Ke rolo te dio?

- Le parte de un marido djudyo.

- Vate, dizele ke te de un rolo ke avla.

Mosyo Kohen esta para murir. Los kuatro ijos estan en el entorno de la kama.

- Mmmmmmm….. ay borekas de berendjena en el orno  parese. Ke savrozas ke las aze vuestra madre. Me dezeyo una boreka.

Presto, el ijo chiko se va a la kuzina, ma torna atras las manos vaziyas.

-  Mi madre disho, ke son para duspues los funerayes.

Lo mas esansiel de todo en los djudyos, es la famiya. El ombre djudyo es atado a la famiya. El ombre judiyo es atado a la famiya, i aze todo su pueder para ke su mujer, i los ijos seygan orozos.

La ija de Mosyo Kohen se desido de kazarse kon un buen djudyo. Mosyo Kohen le esta demando al mansevo, ke son sus planes para el avenir.

- Ke echo azes? Komo la vaza mantener a mi ija?

- Dainda esto estudiando, ma ke no se mirikeye el, kon el nombre del Dio, ya va topar un buen echo.

-  Bueno, ya vos desidatesh ande vaja bivir?

- Dainda no savemos, ma kon el nombre del Dio,  ya vamos a merkar una kaza ermoza.

-  Ande se va ezer la boda? Los gastes de boda? Komo se va reglar esto todo?

- El ke no se mirikeye, kon el nombre del Dio, ya vamos a reglar esto todo.

Mas duspues, Madam Kohen le demanda al marido, komo lo topo al mansevo.

- Muy buen mansevo, le dize Mosyo Kohen, solo ke le esta paresyendo ke yo so Dio.

Los djudyos, an jeneral, son atados a la relijion, a las tradiyones, suguro aparte de los reformistos.

Mosyo Kohen se merko un Lambordjini, i se fue al haham ortodokso para ke le meta una mezuza al otomobil muevo .

- Kualo es Lambordjini? le demanda el haham

-  Lambordjini es un otomobil İtalyano, muy luksozo.

-  Yo no te puedo dar mezuza para un otomobil luksozo, vate ande los konservativos.

El haham konservativo le demanda le mezma kestion, i tomando la repuesta, se inyerva.

- Kualo? Keres mezuza para un otomobil italyano? No pasha, no te puede dar mezuza para un otomobil de goyes. Vate ande los reformistos.

Kuando Mosyo Kohen le repeta la mezma kestion al haham reformisto, el haham le responde:

- Suguro ke le puede azer el dezeyo.

- Bueno, ya saves lo ke es Lambordjini? le dize Mosyo Kohen.

- Komo ne se? Lambordjini es un otomobil italiano, i muy luksozo. Bueno, kualo es mezuza?

El papaz se esta burlando del haham.

- Ke pekado ke no komes karne de puerko. No te puedes imajinar ke savroza ke es.

- Te djuro ke va gostar la karne de puerko padre, ma esto asperando el diya de tu boda.

Komo lo savemos todos, los djudyos dan grande emportansa ke los ijos tengan amigos djudyos, ke kaminen kon djudyos, i lo mas emportante, ke se kazen kon djudyos.

- Sara, komo esta tu ijo? Oyi ke esta en Miami?

 - No demandes! Esta biviendo kon un mansevo ke se yama Miguel.

 - No me digas? De verdad  ke me embaraso muncho.

-  Si, si, te djuro ke esto hazina. A lo manko ke siera djudyo.

El umor İsraeliano es un poko diferente. El umor israelino se burla del pais, de estado del pais, I de las tradisyones del pais.

En la primera gerra de Golfo, kuando se dava el alarm, todos los israelianos empesavan a koryer al refuijo, para pueder protejarsen de los fuzes, de los skutes.

Ya se dio el alarm, ma Mosyo Kohen dainda se esta indo una por aki una por aya…

- Deke no vienes? Ke estas bushkando?

- No esto topando los dientes.

- Presto, kamino. No tienes menester de dientes. Te esta parisiendo ke te vana echar sandviches.

                                                                                                                                                       a kontinuar...

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın