“Kedavos en la buena ora”

“Kedavos en la buena ora”

La semana ultima kuando tomi el jurnal “ŞALOM” para meldarlo, un titolo (başlık) de un eskrivano (yazar) me atiro la atansyon. El titolo era;

“KEDAVOS EN LA BUENA ORA” (Hoşça Kalın..!).

Kon grande yugo i entereso ampesi a meldar i realizi ke esta persona es, el eskrivano de la oja de la Kultura i Arte (kültür-sanat) del kanton (köşe) Kualidad (Nitelik), el presyozo “Robert Schild”.

El es una persona ke tyene una atitud diferente (farklı davranış), sin amostrarlo es muy sinsero

(samimi), entelijente, onesto, ombre ke defende sus ideas fina la fin, mizmo si son diferentes del den frente.

El asistyo kaji a todos los evenementos kulturalas, artistikas del pais i mizmo de muestra komunitad, para pueder eskrivir i enformarmos de todas las aktivitades, i para azer sus komentaryos (yorum).

Para pueder alkansar a todo kale una fuersa espesyal, una ardor (şevk, istek) i un apoyo (destek) moral. El presento; todos los konsertos, los teatros, los festivales kon grande plazer, i dyo lugar en su kanton, a todo modo de evenementos kulturales i artistikos en Estambol i en muestra komunitad.

Fue uno de los primeros para realizar projektos enteresantes en el sentro kultural de la sinagoga Neve-Shalom; nochadas de konsertos, ekspozisyones, sinemas, konferensyas, i otras aktivitades reushidas.

En el anyo 2009; el Dr. Robert Schild organizo el konserto de “Cihat Aşkın” en la Sinagoga Ashkenaz.

Cihat Aşkın; uno de los virtuozes emportantes de violin (keman)  konosido en muestro pais.

Robert Schild es mi amigo sezudo i kultivado ke tyene munchas ideas briyantes.

Veramente es un plazer de meldarlo, porke la persona se puede ambezar kozas muevas, los lugares i los lokales ande se prezentan estas aktivitades.

 Es un namorado de la isla “Burgaz”, ande moran en enverano. El eskrive tanbien en la revista (dergi) “Tiyatro”, ke es la unika revista de teatros en la Turkiya, en la revista del “Dostluk Yurdu”, i “Adalı”.

Me esta azyendo grande pena de saver ke no va pueder meldar mas, tus eskritas enteresantes.

Kerido Robert; terminates tus 13 anyos de eskrivano kon una reushitad remarkable.

Te oguro ke tengas una vida kon tu famiya i keridos, todos endjuntos, kon sanedad, prosperidad i felisidad (mutluluk).

Si, sinsero amigo muestro Robi, i yo te esto dizyendo “Kedate en la buena ora” kon las lagrimas en mis ojos.

La semana ultima kuando tomi el jurnal “ŞALOM” para meldarlo, un titolo (başlık) de un eskrivano (yazar) me atiro la atansyon. El titolo era;

“KEDAVOS EN LA BUENA ORA” (Hoşça Kalın..!).

Kon grande yugo i entereso ampesi a meldar i realizi ke esta persona es, el eskrivano de la oja de la Kultura i Arte (kültür-sanat) del kanton (köşe) Kualidad (Nitelik), el presyozo “Robert Schild”.

El es una persona ke tyene una atitud diferente (farklı davranış), sin amostrarlo es muy sinsero

(samimi), entelijente, onesto, ombre ke defende sus ideas fina la fin, mizmo si son diferentes del den frente.

El asistyo kaji a todos los evenementos kulturalas, artistikas del pais i mizmo de muestra komunitad, para pueder eskrivir i enformarmos de todas las aktivitades, i para azer sus komentaryos (yorum).

Para pueder alkansar a todo kale una fuersa espesyal, una ardor (şevk, istek) i un apoyo (destek) moral. El presento; todos los konsertos, los teatros, los festivales kon grande plazer, i dyo lugar en su kanton, a todo modo de evenementos kulturales i artistikos en Estambol i en muestra komunitad.

Fue uno de los primeros para realizar projektos enteresantes en el sentro kultural de la sinagoga Neve-Shalom; nochadas de konsertos, ekspozisyones, sinemas, konferensyas, i otras aktivitades reushidas.

En el anyo 2009; el Dr. Robert Schild organizo el konserto de “Cihat Aşkın” en la Sinagoga Ashkenaz.

Cihat Aşkın; uno de los virtuozes emportantes de violin (keman)  konosido en muestro pais.

Robert Schild es mi amigo sezudo i kultivado ke tyene munchas ideas briyantes.

Veramente es un plazer de meldarlo, porke la persona se puede ambezar kozas muevas, los lugares i los lokales ande se prezentan estas aktivitades.

 Es un namorado de la isla “Burgaz”, ande moran en enverano. El eskrive tanbien en la revista (dergi) “Tiyatro”, ke es la unika revista de teatros en la Turkiya, en la revista del “Dostluk Yurdu”, i “Adalı”.

Me esta azyendo grande pena de saver ke no va pueder meldar mas, tus eskritas enteresantes.

Kerido Robert; terminates tus 13 anyos de eskrivano kon una reushitad remarkable.

Te oguro ke tengas una vida kon tu famiya i keridos, todos endjuntos, kon sanedad, prosperidad i felisidad (mutluluk).

Si, sinsero amigo muestro Robi, i yo te esto dizyendo “Kedate en la buena ora” kon las lagrimas en mis ojos.

 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın