Una semana kondensada en la sinagoga Neve-Shalom

Una semana kondensada en la sinagoga Neve-Shalom

Antes dyes dias; fyestimos “HANUKA”, ke es una de las fyestas ke asperamos kon grande emosyon. Las luzes de las hanukiyas arrelumbran  el entorno, en la eskuridad i el yelado del invyerno, i propaja (yaymak) una kayentor (sıcaklık) al interyor de las personas.

La orijen (kaynak) del  miraklo de Hanuka es; la azete poka, ke duro (sürmek) ocho dias.

İ para akodrarmos de esto; komemos patatas ke se friyen aryento de la azete, kon pitas dulses (reçelli ponçik).

Martes ultimo; asistimos al konserto ke organizaron los dirijentes de la Sinagoga Neve-Shalom kon la komunitad Ashkenaz endjuntos; al konserto  del artisto famozo İsraelyano, el Tenor “DAVİD D’OR”, ke se realizo aryento de la sinagoga Neve-Shalom kon muncha djente.

El presidente Jojo Nasi; avlo en primero para ogurar la fyesta a todos los ke asistyeron a esta nochada inolvidavle.

Rav. İzak Alaluf ke es el Haham Akaal de Neve-Shalom; disho en su avla muy enteresante i sentimental; ke “las kandelikas ke estamos kemando kada noche en muestras kazas se estan adjuntando (birleşmek) para arrelumbrar la eskuridad, la inyorensa (cehalet), i todo modo de negativo (olumsuz), en retornandosen (dönüşmek) a flamas muy grandes. Vini todos endjuntos; asenderemos (ateşlemek) las senteyas (kıvılcım) ke kedaron eskondidas (gizli) en muestros korasones. İ aklararemos (aydınlatmak) las eskuridades kon esta lumbre (ateş), fina la eternidad (sonsuzluk)...”

Rav. Mendy Chitrik ke es el Haham Akaal de la Sinagoga Ashkenaz; disho en su avla profonda, ke “la ermozura de todo lo ke kreo (yaratmak) el Sinyor del mundo, asemeja a una foto ke es entornada de kolores diferentes komo una senfoniya. Esto es; la luz de Hanuka.

Muestro dezeo i orasyon es; ke la luz de la Tora mos aklare kada uno, en amostrandomos el kamino djusto.

El Grande Rabino Rav. İsak Haleva, asendyo la primera kandela de la Hanukiya ke estava en la Teva, todos endjuntos kantando i azyendo la orasyon. Mujeres i ombres en pyes, kon una armonia ekstraordinarya.

David D’or kon su orkestro de sinko personas vino a la shena en kantando; kantikas diferentes i orasyones en diferentes linguas, kon una boz muy espesyal.

El refleto (yansıtmak) a los partisipantes;  la kerensya ke tiene a las personas i al Dyo.

Las luzes de la hanukiya, ke aklaren el mundo entero, i las personas para pensar kozas buenas.

Entre semana un tefillin, una vijola, un brith-milla, kon munchas bodas se realizo en Neve-Shalom. Kada dia asistimos a evenementos orozos en este lugar sakro.

Alhad ultimo, la sinagoga Neve-Shalom estava dekorada kon rozas blankas, los bankos ordenados, limpyo golyendo al miskle, para fyestar una vijola i despues de midi dos bodas.

Todos kontentes i yenos de kerensya estavan felisitando los paryentes ke estavan muy emosyonados. Despues de la vijola, siguramente la seuda aparejada por Barınyurt, estava koza de ver... Todo lo ke se pensa una persona aviya, muy bien prezentado i muy savrozo. Manos bendichas...

Los mansevos ke aunaron sus vidas en las bodas; ke tengan una vida yena de amor i armoniya djusto komo este dia en Neve-Shalom, yeno de felisidad, ermozura, akordo entre eyos i las famiyas, kalmo i entendimyento.

Syempre ke ayga evenementos orozos en muestra komunitad, i los fyestaremos kon felisitad, kon kerensya i kon amor, todos endjuntos en partajandolos. 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın