La emportansa de “Siete” en el Judaizmo i en otros kampos

1-Shabbat es el sieten diya de la semana.

2-Ay siete semanas en el rekuento de Omer antes de Shavuot (Levitiko 23:15).

3-En İsrael, Pessah i Sukkot se fiestan siete diyas.

4-Kada sieten anyo, la tierra se desha en barbecho (nadasa birakmak), en Shmita (anyo sabatiko).

5-Duspues de siete siklos de Shmita, tenemos un anyo de Jubileo (Yovel) (Levitiko 25:8).

6-Kuande un pariente serka se muere, mos asentamos siete diyas de Siva.

7-En Sukkot, mos asentamos siete dias en la suka (kabanas)..

8-Yitro, la primera konverta al judaizmo, teniya siete nombres diferentes i siete ijas (la una de eyas se kazo kon Moshe Rabeno).

9-Moshe Rabeno nasio i murio en el mezmo diya (el siete de Adar).

10-Muestras Sukka kabanas son vijitadas por siete personas-Abraham, İtshak, Yaakov, Moshe, Aaron, Shlomo i David.

11-La Menora en el Templo tiene siete brasos.

12-Ahashverosh, el rey de Persia, en el mirakolo de Purim selebro la fiesta por siete diyas (Ester 1:5).

13-Ay siete fiestas en el anyo judiyo: Roshashana, Yom Kippur, Sukkot, Hanuka, Purim, Pessah i Shavuot.

14-Aparte las 613 mitzvas, los savios ajutaron siete otras.

15-Ay siete Nachidas Leyes por toda la hamanidad. Siete mitsvot bnei noah.

16-En kada boda judiya, se resita siete Berahas (Sheva Brachot).

17-Kada Shabbat, se yama siete personas para resitar la Tora (Aliyot).

18-El primer verso de la Tora kontiene siete palavras.

19-Muestra madre Leah tuvo siete kreaturas: sesh ijos i una ija.

20-Uvo siete diyas de aparejo en la konstruksion del Tabernakulo en el dezerto (Levitiko 8:35).

21-En muestra tradision, la novia torna siete vezes alrededor del novio debasho la Huppa.

22-Aboltamos el Tefillin siete vezes alrededor del braso.

23-Moshe Rabeno fue la sietena jenerasion duspues de Abraham.

24-Kada plaga en Ejipto kontinuo siete diyas.

25-El Faraaon vido siete vakas i siete tayos de grano (bitki sapi) en sus esuenyos.

26-Kada un rankontro bibliko kontinuava siete diyas.

27-El Dio kreo siete nivelas del sielo.

28-En Shabbat i en las fiestas, en la Amida, resitamos siete berahas en kayadez.

29-La tierra de İsrael es alavada por los siete prodaktos ke kresen aya. Trigo, sevada, uvas, granadas, igos,  azitunas i datile .

30-Ay siete kontinentes en el mundo.

31-Las siete semanas de Omer korespondan a los siete ‘’sefirot’’ke son las siete formas de komporto a muestro Dio: la buendad, la fuersa, la ermozura, el trionfo, la splandor, la amistad i el reynado.

32-Noah embiyo la palomba i el raven afuera de la barka por siete diyas, para ke se ambezen las kondisiones del klima.

33-Siete nasiones gerreyaron kon İsrael: los kananeos, las hititas, los hivites, los amorreos, los perizzites, los jebusites i los girgashites.

34-En diya de Kippur, el Grande Klerjio aroza la sangre en el Templo siete vezes (Levitikus 16).

35-El anyo muevo Judiyo kaye al sieten mez-Tishi (Levitiko 23-24).

36-En el kalandario lunar judiyo, en kada dizimueve anyos, ay siete anyos bisietos (artik yil) – Ada ve Adar.

37-En la eskala de muzika, ay siete notas

38-Un Kohen kale ke se tope en el enterramiento de sus siete parientes-padre, madre, ermana, ermano, ijo, ija i marido u mujer (Levitiko 21:2).

39-En la fiesta de Simha Tora, echamos siete tornos.

40-La mas chika mezura de una Sukka es siete por siete manos de anchura.

41- En el mundo, ay siete mares.

42-Yeshua, al puevlo judiyo lo izo tornar siete vezes alderedor de las paredes de Yeriho, antes ke kaygan las paredes.

43-Yaakov lavoro siete anyos por kazarse kon las ijas de Lavan (Genesis 29:27).

44-El Bet-hamigdash tiene siete puertas de entrada.

45-Kada diya, antes i duspues de la Shema resitamos siete berahas, siendo tres la demanyana i kuatro la noche.

46-En el Talmud, ay siete mujeres profetas: Sara, Miriam, Debora, Hanna, Avigail, Chuldah i Ester.

47-Un judiyo esklavo puede ganar su libertad en el sieten anyo(Exodus 21:2).

48-Eskapamos las orasiones de Kippur en dizyendo siete vezes ‘’El Senyor es el Dio’.

49-Duspues de una boda judiya, azemos siete diyas de selebrasiones (Sheva Brahot).

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın