Tres diferentes sujetos... Tres eskritas...

Tres diferentes sujetos... Tres eskritas...

El Papa Benedikto Xvi Vijito La Sinagoga Park East En New York Por La Fiesta De Pesah

El  Papa Benedikto XVI es el primer papa ke vizita una Sinagoga Amerikana por la fiesta de Pesah., akseptando los regalos de matsa i un chini de Seder.

El Rabino Arthur Schneider, ke es un survivor del Holokosto, i el Papa entraron a la Sinagoga endjustos, diya de viernes.

‘’Esto emosionado en pensando ke Hristos, kuando era chiko, aziya sus orasiones en un lugar komo este’’ disho el papa..

Mas tadre, en una eglizia katolika en Manhattan, el papa prevenio los lideres kristianos kontra  ‘’aksiones profetikas’’, ke estan en konflikto kon las vistas tradisionales de la Biblia..

Yom Hashoah O El Diya De Rekuedro Del Holokosto

El Holokosto es el biervo empleyado por la perioda de 1933 a 1945, antes i durante la Segunda Gerra Mondial, kuando Adolf Hitler i los nazis asasinaron sesh miliones de judios i sinko miliones de no judios en toda la Evropa. El jeneosidıo,  lo ke los Nazis nombraron komo ‘’La Solusion Final’’, se produizo en sesh kampos de la muerte, en Polonia.

En el anyo 1951, el Knesset deklaro ke el 27en diya de Nisan va ser diya de  rekuedro del Holokosto, un diya de komemorasion por todos los judios ke murieron i por los ke amostraron rezistensia i heroizmo durante el Holokosto. Este diya es el aniversario dela revuelta del geto de Varsovio 1943. Yad Vashem fue establisido en 1953 por el Knesset, komo un esfuerso para onorar las viktimas del Holokosto.  Komo komemorasion del Holokosto, el projekto ‘’Para Kada Persona Egziste Un Nombre’’ fue destinado en el mundo entero, i akel diya se resita el nombre de kada viktima ke murio en el Holokosto. Este anyo Yom HaShoah esta kayendo el 2 de Mayo, diya de viernes.

 

 

Las Selebrasiones Del Sesenten Aniversario

El Prezidente Shimon Peres envito a Israel las personajes emportantes del mundo entero por selebrar el 60en aniversario de Israel.

George W. Bush, Barbara Streisand, Tony Blair, Mikail Gorbachev, Rubert Murdoch, Hnery Kissenger, Elie Wiesel, el Prezidente Cheko, Vaclev Havel; el profesor de Harvard, Alan Dershowitz; el fondador de Google, Sergey Brinn; El Fondador de Facebook,Mark Zucherman; el prezidente del grupo Tata de la India, Ratan Tata; el bilionario Sheldon Adelson; el ex prezidente de Indonezia, Abdurrahman Wahid estan en la lista de los envitados konfirmados.

‘’Vamos a tener probablamente dies prezidentes de distinktos paizes, sesh ex prezidentes, ministros, primeros ministros, sientifikos, filozofos, artistas’’ disho Peres en una konferensia kon Associated Press. Peres disho ke las temas de las konferensias vana ser muy variodas; de las Artes, la Siensia,la Filozofia, la Medisina,la Ekolojia etc. Las konferensias vana ampesar kon la demonstrasion de Barbara Streisand kantando la orasion ‘’Avino Malkeinu-Muestro Padre Muestro Rey’’.La majorita de los partisipantes de las konferensias son judios ma va aver tambien  personas de todas las relijiones.

La data de la Independensia de Israel esta markada kada anyo segun el kalendario ebreo i este anyo esta kayendo en el 8 de Mayo.

El 7 de Mayo, a las oras 22:50, las komunidades judias del mundo entero se vana unir por la primera vez en la istoria judia, en kantando ‘’la marcha de liberta’’, todos los judios endjuntos i en el mezmo momento.?

 

 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın