Alüminyum Hurda Geri Dönüşüm

TAZRIYA

Las peraşiyot - TAZRİYA i TAARA nos enbeza lo bueno ke trae a la persona el avlar bueno.  İ de entre-meterse el ombre en la tora i azer mitsvot i maasim tovim ovras de byen. Estonses el ombre tyene buena paga de parte del Kriyador. A la Kontra si es auzado el ombre a avlar Laşon ara palavras non buenas por su Konpanyero, i raportar biervos ke puede traer danyo a su serkano. La pena es muy fuerte.

Un verseto dize: La vida i la muerte esta dekolgado en la alguenga de la persona. El ombre si aze esforsas de Kitar de su boka palavras ke fraguan i no destruyen alarga anyos de bivir. La Kontra de bivir esta manera es Kondenarse a si mismo.

El biervo Tsaraat - Lepra ke es el nombre de la peraşa Metsora: Lo eksplikon nuestros savyos motsi şemra, kitar fama mala kere dizir el ke kita fo ma mala por su konpanyero. El se apena kon una yaga ke es yamada Tsaraat. Dunke Kitar koza mala de la boka es apenarse la persona a si mismo. Dizen nuestros savyos la espada puede dar fin a la vida de la persona ke esta serka. La alguenga de la persona puede danyar a el ke esta muy leşos de el. Avlar mal es igual a los pekados de sirvir idolos i verter sangre.

Miryam la ermana de Moşe Rabenu se yago kon yagas de legra por ke avlo kontra Moşe Rabenu. De este fakto puedemos entender, ke es muy fuerte la pena de avlar kontra alguna persona.

El leprozo despues ke se milizino deviya de troer dos paşaros a el santuvaryo. Ansi se puede eksplikar. Komo los paşaros çuçulean kon sus bokas ansi perdonan a akeya persona ke no se puedo apatronear de su boka.

Tambien en la peraşa meldamos: si vido la personas algunas manças en los paredes de su kaza deve de amostrarlas a el Koen. Estas yagas se pueden ver en la cente ke pensan solo a si mismo i no tyenen la azadiya de ayudar a sus serkanos.

Komo el kuerpo de la persona sufre de algunas hazinuras, i la alma sufre de dezrepozas. Komo dize David Ameleh: “Refaa nafşi ki hatati Lah” milizina mi alma porke peki kontra ti. El ombre ke no este korekto kon el sinyor de el mundo sufriya kon las yagas ke puediya ver sovre si, sovre sus vistidos i sovre las paredes de su kaza. Si puedemos entender nuestros yerros, nuestros defektos, i tornar i ser personas korektas. Seremos bien aventurados, i el Kriyador nos dara munço bueno.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın