Los elevos almanes se estan ambezando el Holokosto kon un i livro de animasion

Los elevos almanes se estan ambezando el Holokosto kon un i livro de animasion

El sentro Anne Frank de Berlyn publiko un livro de animasion para ayudar a los elevos almanes, a ambezarsen el Holokosto kon mas muncho entereso.

El nombre dellivro es ‘’ La Bushkida’’. El livro es sovre una istoria fiktisia (gercek olmayan). En bushkando una informasion sovre el Holokosto en el Internet, Daniel topo la foto de su nona Ester, ke kuando era muchacha vido a su madre i su padre deportados a la muerte en Auschwitz.

Kon el format de livro de animasion, el tema se ve mas realisto i mas serka a los mansevos. La majorita de los mansevos ya saven sovre la epoka de Hitler ma, ay muncho predjudizmo i malententendimiento en el payis.

Este livro empeso a utilizarse tambien en los Paises Bashos, en Polonya i en Hungaria, en todos los payises ke pedrieron miliones de judios en los horores de los Kampos de los Nazis.

Eric Heuvel, el artisto grafiko, utilizo las fotografias real de la epoka de los Nazis. La publikasion del livro se realizo en el 75 ien aniversario de la yegada al poder de Hitler. Los esfuersos de los artistos por publikar el livro en esta data, fueron para asugurarsen ke los mansevos no se olviden de los momentos los mas obskuros de la istoria evropeana. Fin unos kuantos anyos, los sorviventes del Holokosto no vana estar mas en vida, i los mansevos, de diya en diya, vana estar mas desenteresados en este periodo obskuro. Por esta razon, el Sentro de Anne Frank no se esta enfasiando de bushkar muevas formas para enseniar la istoria a los mansevos, de una manera ke les kede siempre en tino.La istoria esta kontinuando kon los esforsos de Ester kon Bob (su vizino) para fuyirsen del Kampo de la Muerte. Enuna sena, un prizoniero de Auschwitz esta tirado a punto, porke no yeva la kasketa de los prizonieros. En la sigunda fotografia, Daniel esta demando ‘’Komo? Lo mataron solo por ke no yeva la kasketa?’’

El livro kontiene los ardantes diskorsos de Hitler, los detayes de la konferensia de Wansee en el anyo 1941, kuando el lider de los Naizis se desido de la ‘’solusion final’’, los horores de las kamaretas de gaz i la brutalidad en los kampos de konsantrasion.

Los profesores de klasa ke estan utilizando este livro estan dizyendo ke los elevos los estan suivando kon grnde mirikiya kuando se esta meldando el livro. Munchos de los elevos se estan emosionando i se estan entersadando muncho de este sujeto. Los profesores estan diziendo ke esta metod mueva, los ato a los elevos a este sujeto.

Mezmo ke los elevos konosen el nombre Hitler, pokos de eyos saven la signifikasion de la palavra ‘’Holokosto’’i muy pokos elevos lo konosen al Ministro de la Propagandade los Nazis, Joseph Gobbels.En la Alemania, las lisyones de Historia son en majorita, una kombinasion de konferensias, argumentos, livros de teksto, i filmos dokumantales.

La nosion komun en las eskolas es ke, este livro de animasion va trayer un ayre fresko a la klasa, mezmo en ansenyando un sujeto tan seriozo.

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın