1- Shabat es el sieten diya de la semana.
2- Ay siete semanas en el rekuento de Omer antes de Shavuot (Levitiko 23:15).
3- En Israel, Pesah i Sukot se fiestan siete diyas.
4- Kada sieten anyo, la tierra se desha en barbecho (nadas), en Shmita (anyo sabatiko).
5- Despues de siete siglos de Shmita, tenemos un anyo de Jubileo (Yovel) (Levitiko 25:8).
6- Kuando un pariente serka se muere, mos asentamos siete diyas de Siva.
7- En Sukot, mos asentamos siete diyas en la suka (kabanas)
8- Yitro, el primer konverso al judaizmo, teniya siete nombres diferentes i siete ijas (la una de eyas se kazo kon Moshe Rabenu).
9- Moshe Rabenu nasio i murio en el mezmo diya (el siete de Adar).
10- Muestras Sukas (kabanas) son vijitadas por siete personas - Avraham, Itshak, Yaakov, Moshe, Aaron, Shlomo i David.
11- La Menora en el Templo tiene siete brasos.
12- Ahashverosh, el rey de Persia, en el mirakolo de Purim selebro la fiesta por siete diyas (Ester 1:5).
13- Ay siete fiestas en el anyo judiyo: Roshashana, Yom Kippur, Sukot, Hanuka, Purim, Pesah i Shavuot.
14- Aparte las 613 mitzvas, los savios adjustaron siete otras.
15- Ay siete Nachidas Leyes por toda la umanidad. Siete mitsvot bnei Noah.
16- En kada boda judiya, se resita siete Berahas (Sheva Brachot).
17- Kada Shabat, se yaman siete personas para resitar la Tora (Aliyot).
18- El primer verso de la Tora kontiene siete palavras.
19- Muestra madre Leah tuvo siete kreaturas: sesh ijos i una ija.
20- Uvo siete diyas de aparejo en la konstruksion del Tabernakulo en el dezierto (Levitiko 8:35).
21- En muestra tradision, la novia torna siete vezes alrededor del novio debasho la Hupa.
22- Aboltamos el Tefillin siete vezes alrededor del braso.
23- Moshe Rabenu era de la sietena jenerasion despues de Avraham.
24- Kada plaga en Ejipto kontinuo siete diyas.
25- El Faraon vido siete vakas i siete tayos de grano (bitki sapı) en sus esuenyos.
26- Kada un rankontro bibliko kontinuava siete diyas.
27- El Dio kreo siete nivelas del sielo.
28- En Shabat i en las fiestas, en la Amida, resitamos siete berahas en kayadez.
29- La tierra de Israel es alavada por los siete produktos ke kresen aya: Trigo, sevada, uvas, granadas, igos, azitunas i datile .
30- Ay siete kontinentes en el mundo.
31- Las siete semanas de Omer korespondan a los siete “sefirot” ke son las siete formas de komporto a muestro Dio: la buendad, la fuersa, la ermozura, el trionfo, la splandor, la amistad i el reynado.
32- Noah embiyo la palomba i el raven afuera de la barka por siete diyas, para ke se ambezen las kondisiones del klima.
33- Siete nasiones gerreyaron kon Israel: los kananeos, los hititas, los hivites, los amorreos, los perizzites, los jebusites i los girgashites.
34- En diya de Kipur, el Grande Klerjio aroza la sangre en el Templo siete vezes (Levitikus 16).
35- El anyo muevo Judiyo kaye al sieten mez - Tishri (Levitiko 23-24).
36- En el kalendario lunar judyo, en kada dizimueve anyos, ay siete anyos bisietos (artik yil) – Adar, VeAdar.
37- En la eskala de muzika, ay siete notas
38- Un Kohen kale ke se tope en el enterramiento de sus siete parientes -padre, madre, ermana, ermano, ijo, ija i marido u mujer (Levitiko 21:2).
39- En la fiesta de Simha Tora, echamos siete tornos.
40- La mas chika mezura de una Suka es siete por siete manos de anchura.
41- En el mundo, ay siete mares.
42- Yeshua, al puevlo judyo lo izo tornar siete vezes alderedor de las paredes de Yeriho, antes ke kaygan las paredes.
43- Yaakov lavoro siete anyos por kazarse kon las ijas de Lavan (Genesis 29:27).
44- El Bet-Amigdash tiene siete puertas de entrada.
45- Kada diya, antes i despues de la Shema resitamos siete berahas, siendo tres la demanyana i kuatro la noche.
46- En el Talmud, ay siete mujeres profetas: Sara, Miriam, Debora, Hanna, Avigail, Chuldah i Ester.
47- Un judyo esklavo puede ganar su libertad en el sieten anyo (Exodus 21:2).
48- Eskapamos las orasiones de Kipur en dizyendo siete vezes “El Senyor es el Dio”.
49- Despues de una boda judiya, azemos siete diyas de selebrasiones (Sheva Brahot)
