La sinyifikasion de la kantika ‘inch allah’ de Adamo

La sinyifikasion de la kantika ‘inch allah’ de Adamo

Inch’Allah es una kantika kompozada i kantada por Salvatore Adamo en el anyo 1966. Adamo eskrivio el teksto de “Inch’Allah”, komo una kantika de pas, un anyo antes ke la Gerra de Sesh Dias empese entre Israel i los Estados Arabos en el anyo 1967.

En el anyo1993, Adamo eskrivio una mueva version de esta kantika, referando a las kreaturas de Israel, i espesialamente a los sesh miliones ke murieron en la Shoah.

La kantika fue prohibida (yasaklandı) en todos los paizes arabos porke tiene sentimentos pro-israelianos, i porke esta mensionando (bahsetmek) a Yerushalayim komo una sivdad judia, espesialmente despues de la gerra, ke la parte oriental de Yerushalayim kayo debasho del kontrol israeliano.

La kantika esta deskriviendo a Yerushalayim, de los ojos de un mansevo evropeano ke esta viendo este pais i esta sivdad por la primera vez: un pais ferido despues de la gerra, una sivdad espartida entre el Antiguo i el Muevo Testamento.

Inch-Allah fue orijinalmente eskrito en fransez, ma fue trasladado tambien al italiano. Para una persona aedada, la kantika akodra los anyos de sesenta i setenta, kuando el era mansevo. Para sus ijos, Inch Allah konta las istorias de sus padres.

Inch-Allah kedo komo una balada popular i konosida fina oy. En el anyo 1993, Adamo la anrejistro de muevo, kon una version mueva, mensionando la Shoah.

 Inch Allah en arabo, sinyifika “Si Dio kere...”

El kantador esta kontemplando a Yerushalayim de enriva de una roka (kayalık). El esta viendo ke los pasharos se estan espantando de bolar a la otra parte, la maripoza (kelebek) se esta demandando si puede alkansar una roza en la otra parte, las mujeres estan pasando sus vidas kotidianas gerreyando para topar un pozo, el arvole de olivio esta yorando porke su sombra esta kayendo enriva del teritorio enemigo.

El kantador esta viendo komo Yerushalayim esta sufriendo: el kamino konstruido kon sufriensias. El esta oyendo el rekuiem (ölülerin ruhu için dua) por los sesh miliones ke murieron en la Shoah, i esta viendo los sesh miliones de arvoles ensembrados en la arena del dizierto.

La balada Inch Allah no puediya ser mas mijor senkronizada: una kantika profetika de la gerra de los sesh dias en el otonyo del anyo 1967:  la gerra ke libero Yerushalayim enteramente, i kuando Yerushalayim kayo kompletamente en las manos de Israel.

 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın