Ree

Mira yo vos esto dando a vozotros oy la bendisyon a kondisyon ke vash a ovedeser las enkomendansas de el kriyador.

  En La Tora egziste 613 enkomendansas; las 55 enkomendansas estan eskritas en la perasha Ree. Unas kuantas de las enkomendansas ke meldamos en la Perasha de este semanana son: De alesharmos de la idolatriya, las kozas ke son defendidas de komer, los doveres ke tenemos  verso las personas, la enkomendansa de ayudar a los menesterozos. Ansi lo meldamos en la perasha. Kuando uvyera en ti menesteres de alguno de tus ermanos, en alguna de tus sivdades, no endureskas tu korason, ni serres tu mano a tu ermano menesterozo, si no ke avrir avreras tu mano a tu ermano menesterozo, si no ke avrir avreras tu mano a el, i enprestar le enprestaras lo ke le basta, lo ke tyene de menester. Solamente si eskuchar eskucharas a la boz de el Kriyador, tu Dyo para guadrar para azer todas estas enkomendansas, ke yo te enkomendo oy. Porke el Kriyador te bendizera komo te avlo. La Tora mos avla tambien en esta perasha por las tres fyestas ke son yamadas “Shalosh Regalim”: Pesah, Shavuot i Sukot. Ke estas tres fyestas son enkomendansas ke devemos realizar verso el Kriyador. Tambien en estas fyestas devemos de alegrarmos mozotros, muestros ijos, muestras ijas i azer alegrar i el Levi ke syerve en el santuvaryo en la pelegrino, a el guerfano, i a la bivda ke estan bivyendo kon ti i te akodraras ke fuites syervo en Ejipto, i guadraros i aras estas enkomendansas.

  Ya es savido lo ke es eskrito en la gemara “SHABAT”. El idolatro ke vino a konvertirse onde Ilel azaken, ansi Le dize: Lo ke no te plaze ke te agan a ti, tu no lo agas a dinguno. Esto es La Tora entera. Agora puedes enbezarte la Tora entera.

  Estas palavras nos enbezan: Toda persona ke onora, visto ke somos todos kreyados de parte de el Kriyador onora i al Kriyador, porke es muestro Sinyor i muestro Kriyador.

 

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın